08.10.2026 | 15:01
Հայտնի է ազատ ոճի ըմբշամարտի Հայաստանի հավաքականի կազմն ԱԱ-ում
Օնիկ Գասպարյանի գործով դատարանը մերժել է Փաշինյանի ներկայացուցչի միջնորդությունը
Հասարակություն
05.04.2021 | 13:08
Վարչական դատարանը՝ դատավոր Մհեր Պետրոսյանի նախագահությամբ, մերժել է ՀՀ ԶՈՒ ԳՇ նախկին պետ Օնիկ Գասպարյանի գործով հայցի ապահովման միջոցը վերացնելու մասին Նիկոլ Փաշինյանի ներկայացուցչի միջնորդությունը։
Հիշեցնենք, որ Օնիկ Գասպարյանն ընդդեմ Նիկոլ Փաշինյանի և Արմեն Սարգսյանի գործով Փաշինյանի ներկայացուցիչը միջնորդություն է ներկայացրել դատարան՝ Օնիկ Գասպարյանի նկատմամբ հայցի ապահովման միջոց կիրառելու մասին որոշումը վերացնելու վերաբերյալ։
Օնիկ Գասպարյանը երեք հայցադիմում էր ներկայացրել ՀՀ վարչական դատարան՝ վիճարկելով իրեն ԶՈՒ ԳՇ պետի պաշտոնից ազատելու որոշման իրավաչափությունը:
Նշենք, որ Մհեր Պետրոսյանը, քննելով այս գործը, միջանկյալ որոշում էր կայացրել, ըստ որի՝ ԳՇ պետը շարունակում էր մնալ Օնիկ Գասպարյանը, մինչդեռ Կառավարությունը որոշումը չընդունեց և ԳՇ պետ նշանակվեց Արտակ Դավթյանը։
Լիլիթ Շաբոյան
