31.07.2026 | 23:31
ՀԾԿՀ նախագահը այցելել է «Երևանի ՋԷԿ». քննարկվել են էներգաբլոկի ներկայիս հնարավորությունները
Շշով զինված տղամարդը փորձել է ներխուժել Ելիսեյան պալատ․ Փարիզի ոստիկանությունում հետաքննություն է սկսվել
Քաղաքականություն
02.04.2021 | 19:43
Փարիզի քրեական ոստիկանության աշխատակիցները հետաքննություն են սկսել՝ Ֆրանսիայի նախագահ Էմանուել Մակրոնի նստավայր մուտք գործելու փորձի կապակցությամբ, գրում է ՏԱՍՍ-ը:
Գործակալության տեղեկությունների համաձայն՝ միջադեպի կապակցությամբ ձերբակալվել է 3 մարդ։ Նրանք մեղադրվում են «զենքի կիրառմամբ բռնության ակտ կիրառելու փորձի մեջ», հայտնել են դատախազությունից։ Համաձայն հետաքննության ընթացքից լավատեղյակ աղբյուրի տեղեկությունների՝ գլխավոր կասկածյալը ծագումով բելառուս, 33-ամյա նկարիչ Ալեքսեյ Կուզմիչն է։ Instagram-ի իր էջում նա ուղերձ էր հղել Ֆրանսիայի առաջնորդին, որում հայտարարել էր, որ «հեղափոխություն կատարելու ժամանակը եկել է»։
Փարիզի դատախազությունից հայտնել են, որ ձերբակալվել է ևս երկու անձ՝ տղամարդ և կին, որոնք դեպքի վայրում նկարահանումներ են իրականացրել։ Նրանց ազգությունը չի նշվում: Հաղորդվում է, որ լուսանկարչին ուղարկել են Փարիզի հոգեբուժարաններից մեկը։
Ավելի վաղ Փարիզի ոստիկանությունից հայտնել են, որ ապրիլի 1-ին վառվող կտորով շշով զինված մի տղամարդ փորձել է ներխուժել Ելիսեյան պալատի բակ: Նրան նկատել են, երբ նա բարձրացել է ցանկապատի վրայով: Նախնական հարցաքննության ժամանակ ձերբակալվածը հայտարարել է, որ չէր պատրաստվում որևէ բռնի գործողության դիմել:
Տաթև Ֆռանգյան
