31.10.2026 | 19:51
Քննարկվել են ՀՀ և բրազիլական ինքնաթիռաշինական համաշխարային ընկերության միջև համագործակցության հնարավոր հեռանկարները
Արտակ Դավթյանը հիմնական մեղավորներից է. Գևորգ Գորգիսյանի բացահայտումը Ապրիլյանի քննիչ հանձնաժողովի զեկույցից․ ՏԵՍԱՆՅՈՒԹ
Քաղաքականություն
02.04.2021 | 16:15
Ապրիլյան պատերազմի հանգամանքներն ուսումնասիրող հանձնաժողովի զեկույցն ուղարկվել է Կառավարություն, ԱԺ նախագահին: ԱԺ նախագահը հայտարարել է, որ զեկույցը չի հրապարակվելու, այլ ինքը հայտնելու է, թե ինչ է բացահայտվել:
Factor.am-ի հետ զրույցում անդրադառնալով հարցին, թե արդյո՞ք ժողովուրդը չպետք է հանգամանալից տեղեկանա, թե ինչ է արել ԱԺ քննիչ հանձնաժողովը, ԼՀԿ խմբակցության քարտուղար Գևորգ Գորգիսյանը նշեց. «Ըստ ԱԺ կանոնակարգ օրենքի քննիչ հանձնաժողովի զեկույցը ներկայացվում է ԱԺ, դա բնավ չի ենթադրում, որ հանձնաժողովի նախագահը պետք է ասուլիս տա և ինչ-որ բան հայտարարի:
Դեռ նոյեմբերին այդ զեկույցը ուղարկվել է ԱԺ նախագահին, ենթադրաբար կազմակերպելու քննարկում ԱԺ-ում: Քանի որ այդ ժամանակ երկրում հերթական քաղաքական քաոսն էր տիրում, ես վերջնական տեսքին չեմ ծանոթացել, վերջնական տեսքը չեն ստորագրել ԼՀԿ ներկայացուցչները, բայց զեկույցի մեր տարբերակը ներկայացրել ենք հանձնաժողովին, որքանո՞վ է դա ներառվել վերջնական զեկույցում, չգիտեմ:
Միանշանակ է, որ այդ զեկույցը պետք է ներկայացվի հանրությանը, բայց, իհարկե, կան բաներ, որ գաղտնի պետք է մնան և ներկայացվեն համապատասխան մարմիններին՝ ՊՆ, ԱԱԾ, քննչական մարմիններին»:
«Զեկույցը չի քննարկվում ԱԺ-ում՝ չգիտեմ օրենքի չիմացությունից, թե՞ քաղաքական դրդապատճառներից ելնելով… Մենք հերքեցինք այն միֆերը, որոնք վնասում էին մեր բանակի հեղինակությանը»,- նշեց Գորգիսյանը՝ հավելելով, որ մեղավորները պետք է պատժվեն:
Պատգամավորն ընդգծեց, որ հանձնաժողովի բացահայտած թերացումների մեջ հիմնական մեղավորներից է ԳՇ պետ Արտակ Դավթյանը. «Լինելով բանակին ամենաշատ վնաս պատճառած մարդը, Արտակ Դավթյանը շարունակում է պաշտոնավարել… Իր գոռոզությամբ ու դատարկությամբ նա բերեց մեզ պարտության»:
Իսկ թե ինչ է արել Արտակ Դավթյանը, Գորգիսյանը նշեց, որ, իր կարծիքով, դա քրեական գործի շրջանակներում հանրությանը հայտնի կդառնա:
Մանրամասները՝ տեսանյութում:
