09.06.2026 | 21:37
27/7 ընտրատեղամասի տվյալները սխալ են մուտքագրվել ոչ միայն ԲՀԿ-ի դեպքում
Պարոն Աղազարյան ջան, ամենաքիչը Ձեզնից կսպասեի, որ կասեք՝ Քարվաճառը մերը չէ. Թագուհի Թովմասյան. ՏԵՍԱՆՅՈՒԹ
Քաղաքականություն
01.04.2021 | 11:25
«Երեկվանից հասարակական-քաղաքական կյանքը փոթորկել է իշխանական պատգամավորներից մեկի հայտարարությունը, թե «Քարվաճառը մերը չէ»: Այս մասին ԱԺ արտահերթ նիստում ասաց պատգամավոր Թագուհի Թովմասյանը:
«Պարո՛ն Աղազարյան ջան, ամենաքիչը Զեզնից էի սպասում այդ հայտարարությունը, ԱԺ ամբիոնից դիմելով իմքայլական պատգամավորին՝ ասաց Թովմասյանը՝ անդրադառնալով նրա հայտարարությանը:
«Քարվաճառը մերն է, Դադիվանքը մերն է: Խնդրում եմ, մոտեցեք ամբիոնին, ասեք, որ սխալմունք է եղել, ասեք, որ լրագրողներն են էլի: Մի բան ասեք: Միայն թե այս հայտարարությունն այսպես անպատասխան չմնա»,- հորդորեց պատգամավորը:
Թագուհի Թովմասյանը նշեց, որ պատգամավորները միայն ներքին լսարանի համար չեն խոսում՝ գործ ունեն շատ ավելի լայն շրջանակի հետ: Թովմասյանը նկատեց, որ դժգոհությունը հասել է Արցախ ու մարդիկ շատ վատ հետևություններ են անում:
Պատգամավորը նաև «Վիկիպեդիայից» տեղեկություն մեջբերեց, որ Դադիվանքը հայկական է:
«Ձեզ խնդրում եմ այս և Ցեղասպանության հետ կապված Ձեր վիճահարույց դիտարկումների մասով պարզաբանում տալ, որովհետև մենք Ցեղասպանության պահանջատիրությունից հետ չենք նահանջել», – նորից դիմելով Հովիկ Աղազարյանին՝ նշեց Թովմասյանը:
Մանրամասները՝ տեսանյութում:
