19.02.2026 | 16:35
ԱՄՆ-ը սկսել է Սիրիայից դուրս բերել իր վերջին զորքերը. WSJ
Կորոնավիրուսի դեմ պատվաստումից հետո Վրաստանում բժիշկ է մահացել
Քաղաքականություն
31.03.2021 | 15:46
Վրաստանում կորոնավիրուսի դեմ պատվաստում ստանալուց երկու շաբաթ անց բժիշկ է մահացել։ Դեռևս հայտնի չէ, սակայն, թե որքանով է մահը կապված պատվաստանյութի հետ։
Sputnik Georgia-ի հաղորդմամբ՝ այսօր հրավիրված ասուլիսի ժամանակ երկրի առողջապահության նախարար Եկատերինա Տիկարաձեն հայտարարել է, որ Դեղամիջոցների ու բժշկական գործունեության կարգավորման գործակալությունն արդեն ուսումնասիրում է հարցը։
Նշվում է, որ պատվաստումից հետո մահացածը «Մեդի-կապիտալ» կլինիկայում աշխատող 50-ամյա բժիշկ է։ Թե ինչն է դարձել բժշկի վիճակի վատթարացման պատճառը, անհայտ է: Սակայն լրատվականը նշում է, որ այս փաստը կարող է հետագա ազդեցություն ունենալ երկրում պատվաստումների գործընթացի վրա: Մինչ այդ, Վրաստանը սպասում է Ախալցխայից 27-ամյա բուժքրոջ մահվան դատաբժշկական եզրակացությանը, որը մահացել էր մարտի 19-ին AstraZeneca պատվաստանյութով պատվաստումից հետո: Բժիշկների խոսքով՝ նրա մոտ առաջացել է անաֆիլակտիկ շոկ:
Տաթև Ֆռանգյան
