09.06.2026 | 15:37
Վայրի կենդանիների և բույսերի պահպանության օրենսդրական բարեփոխումները գործնական փուլում են
Իտալիան արտաքսել է ՌԴ դեսպանության երկու պաշտոնյայի
Քաղաքականություն
31.03.2021 | 17:56
Իտալիայի ԱԳՆ ղեկավար Լուիջի Դի Մայոն հայտարարել է, որ ՌԴ դեսպան Սերգեյ Ռազովին է փոխանցել Իտալիայի կառավարության բողոքը՝ լրտեսության մեջ մեղադրանքով ռուս սպայի ձերբակալության կապակցությամ։ Ռուս դեսպանը տեղեկացվել է դեսպանության երկու պաշտոնյաների արտաքսման մասին։
«Իտալիայի արտգործնախարարություն Ռուսաստանի դեսպանին կանչելու կապակցությամբ մենք վերջինիս ենք հանձնել Իտալիայի կառավարության վճռական բողոքն ու տեղեկացրել ենք երկու ռուս պաշտոնական դեմքերի անհապաղ արտաքսման մասին, ովքեր կապված են այս չափազանց լուրջ գործի հետ»,- գրել է նա Facebook սոցիալական կայքում։
Հիշեցնենք՝ նախօրեին Իտալիայի ոստիկանությունը ձերբակալել էր երկու անձի՝ ռուս սպայի, որը հավատարմագրված է Հռոմում ՌԴ դեսպանության կողմից, ինչպես նաև Իտալիայի ռազմածովային ուժերի կապիտանի։ Նրանց մեղադրում են լրտեսության մեջ։ Հայտարարվել է, որ ձերբակալությունն իրականացվել է անմիջապես այն բանից հետո, ինչ իտալացի սպան գումարի դիմաց ռուսաստանցուն գաղտնի փաստաթղթեր է փոխանցել։
Տաթև Ֆռանգյան
