27.04.2026 | 23:12
Չեխիան Ադրբեջանին նոր մարտական ուսումնական ինքնաթիռ է առաջարկում
Իտալացի սպան փողի դիմաց ռուսաստանցուն գաղտնի փաստաթղթեր է հանձնել․ Իտալիայում ՌԴ դեսպանը երկրի ԱԳՆ է կանչվել
Քաղաքականություն
31.03.2021 | 15:10
Ռուսաստանի դեսպան Սերգեյ Ռազովը Իտալիայի ԱԳՆ է կանչվել։ Այս մասին «ՌԻԱ Նովոստիին» հայտնել է գերատեսչության ներկայացուցիչը։
Նման հրահանգ է տվել երկրի արտգործնախարար Լուիջի Դի Մայոն՝ Իտալիայում լրտեսության մեղադրանքով ռուս դիվանագետի ձերբակալությունից հետո։
Նախօրեին Իտալիայի ոստիկանությունը ձերբակալել էր երկու անձի՝ ռուս սպայի, որը հավատարմագրված է Հռոմում ՌԴ դեսպանության կողմից, ինչպես նաև Իտալիայի ռազմածովային ուժերի կապիտանի։ Նրանց մեղադրում են լրտեսության մեջ։ Հայտարարվել է, որ ձերբակալությունն իրականացվել է անմիջապես այն բանից հետո, ինչ իտալացի սպան գումարի դիմաց ռուսաստանցուն գաղտնի փաստաթղթեր է փոխանցել։
Տաթև Ֆռանգյան
