30.06.2026 | 17:19
Հայաստանի գլխավոր դատախազն ընդունել է Լատվիայի գործընկերոջը
Կարծում եմ՝ Քաղաքացիական պայմանագիրը միայնակ պետք է ընտրությունների գնա. Ալեն Սիմոնյան. ՏԵՍԱՆՅՈՒԹ
Քաղաքականություն
31.03.2021 | 14:57
Թե՛ Երևանում, թե՛ մարզերում արդեն նախընտրական աշխատանքները սկսել ենք, այդ թվում ցուցակներ ճշգրտելու հետ կապված: Այս մասին այսօր ԱԺ-ում լրագրողների հետ զրույցում նշեց ԱԺ փոխխոսնակ Ալեն Սիմոնյանը:
Անդրադառնալով հարցին, թե արդեն կա՞ պատկերացում ապագա ցուցակի մասին, կա՞ն պատգմավորներ, որոնք այս ընթացքում իրենց լավ չեն պահել և չեն ընդգրկվի իշխող ուժի ցուցակում՝ Սիմոնյանը պատասխանաեց. «Կան պատգամավորներ, որոնք լքեցին խմբակցությունը, բնական է, որ նրանց հետ աշխատելն անհնար եմ համարում: Նրանց այսօրվա աշխատանքն էլ համարում եմ ոչ լեգիտիմ»:
«Մնացածի հետ կպված կարող եմ ասել, որ մեր գործընկերների մեծ մասը շարունակելու է իր աշխատանքը: Մի մասը կարող է գործադիրում շարունակել: Բայց մեր թիմը, որը կուռ մնաց, շարունակելու է աշխատել: Մեր ներսում ամեն ինչ ավելի քան հարթ է»:
Սիմոնյանը նաև չբացառեց, որ կարող են ցուցակում նաև նոր մարդիկ լինել, սակայն անուններ չնշեց:
Նա նաև հավելեց, որ իր կարծիքով ճիշտ կլինի, եթե իշխող ուժը ընտրություններին մասնակցի «Քաղաքացիական պայմանագիր» կուսակցությունով, ոչ թե «Իմ քայլը» դաշինքով:
Մանրամասները՝ տեսանյութում:
