14.12.2024 | 13:33
Առողջության համապարփակ ապահովագրությունը ներդրվելու է․ Անահիտ Ավանեսյան
Ավստրիայում COVID-19-ի դեմ պատվաստումից հետո մահացությունների թիվը հասել է 55-ի
Քաղաքականություն
30.03.2021 | 14:38
Ավստրիայում COVID-19-ի դեմ պատվաստումից հետո մահացությունների թիվը հասել է 55-ի, մահացությունների կապը պատվաստանյութի հետ հաստատված չէ: Այս մասին ասված է երկրի առողջապահության դաշնային գրասենյակի 2020 թվականի դեկտեմբերի 27-ից 2021 թ. մարտի 26-ն ընկած հաշվետու ժամանակահատվածի հաշվետվությունում, գրում է ՌԻԱ Նովոստին:
Համաձայն գործակալության զեկույցի՝ Ավստրիայում 51 մարդ է մահացել Pfizer/BioNtech ընկերության պատվաստանյութով պատվաստումից հետո:
Ընդհանուր առմամբ, հաշվետու ժամանակահատվածում Ավստրիայում ստացվել է 17․280 հաղորդում պատվաստանյութի կողմնակի ազդեցության մասին: Այս ընթացքում էլեկտրոնային պատվաստումների անձնագրում գրանցվել է 1․489․789 պատվաստում:
«Առողջապահության ոլորտում անվտանգության հարցերով դաշնային գերատեսչությունը COVID-19-ի դեմ պատվաստում ստանալուց հետո մահվան դեպքերի մասին 55 հաղորդում է ստացել (52՝ BioNTech/Pfizer, 2՝ Moderna, 1՝ AstraZeneca)»,- ասված է զեկույցում։
Տաթև Ֆռանգյան
