30.06.2026 | 16:03
ՌԴ-ում տաքսու վարորդներն ավելի քիչ են աշխատանքի դուրս գալիս՝ վառելիքային ճգնաժամի ֆոնին
ԵՄ-ն աջակցություն կցուցաբերի Բելառուսում մարդու իրավունքների խախտումների վերաբերյալ տվյալների հավաքագրման մեխանիզմին
Քաղաքականություն
26.03.2021 | 17:58
Եվրամիությունը քաղաքական և ֆինանսական աջակցություն կցուցաբերի Բելառուսում մարդու իրավունքների խախտումների վերաբերյալ տվյալների հավաքագրման մեխանիզմին, որը ստացել է «Միջազգային հաշվետվողականության հարթակ» (International Accountability Platform) անվանումը: Այս մասին ասված է ԵՄ դիվանագիտության ղեկավար Ջոզեպ Բորելի տարածած հայտարարության մեջ, գրում է ՏԱՍՍ-ը։
«ԵՄ անդամ երկրների և համախոհ այլ երկրների հետ միասին Եվրամիությունն աջակցում է մեղավորներին պատասխանատվության ենթարկելու միջազգային հարթակին, որը անկախ և անկողմնակալ հարթակ է Բելառուսում 2020 թ. օգոստոսի նախագահական ընտրությունների ընթացքում և դրանցից հետո մարդու իրավունքների լուրջ խախտումների վերաբերյալ փաստաթղթերի հավաքագրման, ստուգման և պահպանման համար: ԵՄ-ն քաղաքականապես աջակցում է այս հարթակին , իսկ նախապատրաստական աշխատանքներն ավարտվելուն պես, այն նաև ֆինանսապես կաջակցի դրան», – ասել է նա:
Տաթև Ֆռանգյան
