27.04.2026 | 23:25
ՔԿ նախագահ Արթուր Պողոսյանի մասին գրառման համար ֆեյսբուքյան օգտատիրոջը մեղադրանք է առաջադրվել
Մյանմարում ուժայինների հետ բախումների զոհ է դարձել 300 մարդ․ AP
Քաղաքականություն
26.03.2021 | 16:57
Մյանմարում փետրվարի 1-ից ցուցարարների ու ուժային համակարգերի աշխատակիցների միջև բախումների հետևանքով զոհվածների թիվն անցել է 300-ը: Այս մասին հայտնում է Associated Press– ը:
Նրա խոսքով ՝ փետրվարի 1-ից մինչ այժմ ձերբակալվել կամ ազատազրկման են դատապարտվել 2981 քաղաքացի:
Մարտի 22-ին իրավապաշտպանները հայտնել էին 250 զոհի մասին: Հաջորդ օրը Մյանմարի զինվորականները հաստատել են միայն 164 ցուցարարի մահը և ափսոսանք հայտնել այս կապակցությամբ:
Ավելի վաղ, ՄԱԿ-ի գլխավոր քարտուղար Անտոնիո Գուտերեշը դատապարտել էր Մյանմարում զինվորականների կողմից դաժան բռնաճնշումները:
Ապրիլի 1-ին ՄԱԿ-ը նախատեսում է պատժամիջոցներ կիրառել այս պետության դեմ: Եվրամիությունն ու Միացյալ Նահանգները մարտի 22-ին պատժամիջոցներ են սահմանել Մյանմարում զինված ուժերի կողմից իշխանության բռնազավթման և ցուցարարների նկատմամբ բռնաճնշումների մասնակիցների դեմ:
Տաթև Ֆռանգյան
