11.10.2026 | 20:00
15 հազար մարդ Հայաստան է գալիս․ ի՞նչ է սպասվում COP17-ում․ բնությունը մարդուց պաշտպանելու ՇԵՐՏԵՐԸ
Վրաստանում սահմանադրական փոփոխություններ են սպասվում
Քաղաքականություն
25.03.2021 | 20:16
Վրաստանի խորհրդարանական մեծամասնությունը պատրաստվում է նոր սահմանադրական փոփոխությունների նախաձեռնությամբ հանդես գալ, գրում է aliq.ge-ն:
Սահմանադրական փոփոխությունները իրականացվելու են իշխող «Վրացական երազանքի» և ընդդիմադիր «Քաղաքացիներ» կուսակցության պայմանավորվածությունից ելնելով:
«Քաղաքացիներ» կուսակցությունը բոյկոտի ռեժիմից դուրս եկավ և միացավ խորհրդարանի աշխատանքին այն պայմանով, որ իշխող թիմը կիրականացներ փոփոխություններ երկրի սահմանադրությունում:
Փոփոխությունների համաձայն՝
- խորհրդարանական ընտրություններին արգելապատնեշը կնվազի դառնալով 3 տոկոսանոց, նախկին 5-ի փոխարեն,
- խորհրդարանում խմբակցություն կազմելու համար անհրաժեշտ կլինի 4 պատգամավոր, նախկին 7-ի փոխարեն:
Սահմանադրությունում փոփոխություններ անելու նախագիծը խորհրդարանում դեռ պաշտոնապես գրանցված չէ: Փոփոխություններ անելու համար անհրաժեշտ է նվազագույնը 113 պատգամավորի աջակցությունը: Գործող խորհրդարանում 150 պատգամավորից աշխատում է միայն 96-ը: Ընդդիմության մեծ մասը չի ճանաչում նախորդ տարվա խորհրդարանական ընտրությունների արդյունքներն ու գտնվում է բոյկոտի ռեժիմում:
