30.06.2026 | 18:30
Հայաստանի և Վրաստանի ՆԳ նախարարները քննարկել են երկկողմ համագործակցության ու տարածաշրջանային խաղաղության հարցեր
Ավստրիայում մարդկանց թույլ չեն տա մուտք գործել խանութներ առանց կորոնավիրուսի թեստի բացասական արդյունքի
Քաղաքականություն
25.03.2021 | 19:57
Ավստրիայում մարդկանց թույլ չեն տա մուտք գործել խանութներ՝ առանց կորոնավիրուսի թեստի բացասական արդյունքների։ Այս որոշման մասին հայտնել են հանրապետության առողջապահության նախարարությունից, գրում է euronews-ը:
Ապրիլի առաջին շաբաթվա ընթացքում երկրի արեւելյան երեք շրջանները, ներառյալ մայրաքաղաք Վիեննան, փակ կլինեն Զատկի տոնակատարությունների կապակցությամբ կոշտ կարանտինային միջոցառումների շրջանակներում: Այդ ընթացքում ոչ մթերային խանութներն, ինչպես նաև սպասարկման ոլորտի բոլոր հաստատություններն ընդհանրապես փակ կլինեն։ Մարդկանց կպարտադրեն կրել ոչ միայն պարզապես պաշտպանիչ դիմակներ, այլ բարձր պաշտպանողականություն ապահովող ռեսպիրատորներ ոչ միայն հասարակական վայրերում, այլ նաև փակ տարածքներում, որտեղ կհավաքվեն մեկից ավելի մարդիկ։
«Այդպես է տեղի ունենում ոչ թե այն պատճառով, որ ինչ-որ մեկն ինչ-որ բանում մեղավոր է, այլ քանի որ Ավստրիայի արևելքում արագորեն տարածվում է բրիտանական շտամը, բրիտանական մուտացիան։ Դրա հետևանքները չափից ավելի ծանր է, քան մենք կարող էինք մեզ պատկերացնել»,- հայտարարել է երկրի առողջապահության նախարար Ռուդոլֆ Անշոբերը։
Իսկ կարանտինայի շաբաթից հետո՝ սկսած ապրիլի 7-ից, ոչ մթերային խանութները պետք է բացվեն, սակայն այնտեղ կթողնեն միայն նրանց, ովքեր կներկայացնեն թեստի բացասական արդյունք։ Առաջին անհրաժեշտության ապրանքներ վաճառող խանութներին դա չի վերաբերելու։
Տաթև Ֆռանգյան
