06.06.2026 | 20:00
Ում ենք ընտրում չընտրելով․ քվեարկության չԳնալու ՇԵՐՏԵՐԸ. ՏԵՍԱՆՅՈՒԹ
ԱԱԾ-ն պետք է ուսումնասիրի. 2018-ին Ադրբեջանից Հայաստան 211 մլն դոլար է մտել. Արմեն Եղիազարյան. ՏԵՍԱՆՅՈՒԹ
Քաղաքականություն
25.03.2021 | 15:02
«Մամուլում և համացանցում տեղեկատվություն կար, որ ըստ Համաշխարհային բանկի հաշվետվությունների՝ 2018-ին Ադրբեջանից 211 մլն դոլար է փոխանցվել Հայաստանի Հանրապետություն: Զարմացա, որ պատկան մարմինների կողմից այս առիթով ուսումնասիրություններ չեղան, ես՝ ինքս սկսեցի հետաքրքրվել և պարզեցի, որ իրականում կան այդ հաշվետվությունները Համաշխարհային բանկի կայքում: Այս մասին Factor.am-ի հետ զրույցում նշեց «Լուսավոր Հայաստան» խմբակցության պատգամավոր Արմեն Եղիազարյանը:
«Իմ ձեռքի տակ էին 2017թ. և 2018թ. հաշվետվությունները: Ըստ 2018թ. հաշվետվության՝ 211 մլն դոլար է փոխանցվել Հայաստան, իսկ 2017-ին գումարի չափը եղել է 7 մլն դոլար, այսինքն՝ մեկ տարվա ընթացքում 30 անգամ աճ է գրանցվել: Սա մտահոգիչ է, ես վտանգներ նկատեցի: Հարցում եմ ուղղել Կենտրոնական բանկին, ԿԲ-ն պատասխանել է, որ դրանք փաստացի փոխանցումներ չեն եղել, այլ կանխատեսումներ են՝ որոշակի մեթոդաբանությունից ելնելով… Կենտրոնական բանկը չփարատեց իմ կասկածները և մտահոգությունները:
Հարցում եմ ուղարկել նաև Համաշխարհային բանկի հայաստանյան գրասենյակի ղեկավարին: Ի վերջո ստացա պատասխանը, որը մոտավորապես նույնն է, ինչ ԿԲ պատասխանը՝ այսինքն՝ տվյալները ենթադրությունների և վերլուծությունների արդյունք են: Համաշխարհային բանկը նաև նշել է, որ ներկա պահին՝ փետրվարի 24-ից սկսած՝ Հայաստանի և Ադրբեջանի միջև դրամական փոխանցումների վերաբերյալ տվյալները հեռացվել են տվյալների շտեմարանից:
Կարծում եմ պատկան մարմինները պետք է փորձեն հասկանալ՝ իրականում ինչ է տեղի ունեցել»,- նշեց Եղիազարյանը:
Մանրամասները՝ տեսանյութում:
