11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
Վարչապետի առաջնորդությամբ առավել շատ ձայներ կարող ենք ստանալ. Հայկ Գևորգյանը՝ ՔՊ ցուցակի մասին. ՏԵՍԱՆՅՈՒԹ
Քաղաքականություն
25.03.2021 | 13:58
«Այն, որ պետք է ընտրակարգը փոխվի 100 տոկոս համամասնականի, հայտարարել ենք դեռ 2018թ, և փորձել ենք այդ օրենսդրական փոփոխությունն անցկացնել, բայց մի քանի ձայնով այդ նախաձեռնությունը տապալվել է: Դա մեր խոստումն է հասարակությանը, և պետք է իրականացնենք, եթե ժաանակի մեջ տեղավորվենք»,- այս մասին Factor.am-ի հետ զրույցում նշեց «Իմ քայլը» խմբակցության անդամ Հայկ Գևորգյանը:
«Մեր թիմի շատ անդամներ ցանկություն ունեն, որ ռեյտինգային համակարգը մնա, որովհետև այդպես մենք ավելի շատ ձայներ հավաքելու հնարավորություն կունենանք, բայց մենք գնում ենք մեր խոստման հետևից»,- ասաց պատգամավորը:
Քաղաքական դաշտում կա պրակտիկա, որ ընտրությունների ժամանակ ցուկակը գլխավորողը լինում է տվյալ ուժի ղեկավարը, արդեն ասվում է, որ ՔՊ ցուցակը գլխավորելու է Նիկոլ Փաշինյանը, այլ անձ չկա՞, որը կարող է գլխավորել ցուցակը, ինչո՞ւ է շարունակվում մեկ անձի շուրջ հավաքվելու պրակտիկան: Անդրադառնալով այս հարցերին՝ Հայկ Գևորգյանը նշեց, որ դա արդարացված է. «Ցանկացած ուժ որդեգրում է այնպիսի ռազմավարություն, որ կարողանա հնարավորինս շատ ձայներ հավաքել, և ակնհայտ է, որ վարչապետի առաջնորդությամբ առավել շատ ձայներ կարող ենք ստանալ, այստեղ ոչ մի արտառոց բան չեմ տեսնում»:
Մանրամասները՝ տեսանյութում:
