20.02.2026 | 09:33
Ստեփանծմինդա-Լարս ավտոճանապարհը փակ է
UNESCO-ի Հայաստանի հանձնաժողովը դատապարտել է Ադրբեջանի կողմից հայկական եկեղեցու ավերումը
Մշակույթ
25.03.2021 | 13:50
UNESCO-ի Հայաստանի հանձնաժողովն անդրադարձել է Ադրբեջանի կողմից Մեխակավանի հայկական եկեղեցու ավերմանն ու դատապարտել այն։
«Խստորեն դատապարտում ենք Ադրբեջանի կողմից հերթական մշակութային հանցագործության ակտը։ Ինչպես հաղորդում է BBC-ն՝ հայկական եկեղեցին ամբողջովին ավերվել է այն բանից հետո, երբ հայտնվել է ադրբեջանցիների վերահսկողության տակ։ Այդ եկեղեցին վանդալիզմի էր ենթարկվել վերջին ագրեսիայի ժամանակ։ Արցախի հայկական հուշարձանները, որոնք հայտնվել են Ադրբեջանի օկուպացիայի տակ, ենթարկվում են վանդալիզմի ու ոչնչացման «Իսլամական պետության»՝ ԻԼԻՊ-ի ոճով։ Անհետացած հայկական եկեղեցին առաջին հերթին դարձել է վանդալիզմի զոհ»,- ասվում է հաղորդագրության մեջ։
Էմմա Չոբանյան
