24.04.2026 | 23:32
Կապանում ջրանջատում կլինի
Ծառուկյանին հնարավոր չէ հնազանդեցնել. Միքայել Մելքումյան. ՏԵՍԱՆՅՈՒԹ
Քաղաքականություն
25.03.2021 | 13:22
Հասկանալի դարձավ, որ բախումները բացառելու ճանապարհը ընտրությունների գնալն է: Դրա համար անհրաժեշտ մի քանի միլիարդը պետությունը կհայթայթի: Այս մասին լրագրողների հետ զրույցում ասաց «Բարգավաճ Հայաստան» խմբակցության պատգամավոր Միքայել Մելքումյանը՝ անդրադառնալով արտահերթ ընտրությունների ֆինանսավորման վերաբերյալ հարցին:
Մելքումյանի խոսքով՝ վարչապետի և խորհրդարանական ընդդիմության ներկայացուցիչների միջև եղել է նախնական պայմանավորվածություն, իսկ կպահպանվեն այդ պայմանավորվածությունները, թե ոչ, պարզ կլինի ապրիլի վերջին:
Անդրադառնալով հարցին, թե միգուցե Նիկոլ Փաշինյանը գնացել է այս քայլին, որ ջլատի «17+»-ի շարժումը և հնազանդեցնի Գագիկ Ծառուկյանին, Մելքումյանը պատասխանեց. «՞Ինչ հնազանդեցնելու մասին է խոսքը, դա ի՞նչ ժանրի մոտեցում է: Ծառուկյանին հնազանդեցնել հնարավոր չէ…Եթե քաղաքական պայմանավորվածությունները չպահպանվեն, ապա լուրջ խնդիրներ կլինեն, ժողովուրդը նորից ոտքի կկանգնի, բայց ես ենթադրում եմ՝ ընտրությունները լինելու են»:
Պատգամավորը նաև նշեց, որ իրենց խմբակցությունը շարունակելու է գործել «Հայրենիքի փրկության շարժման» հետ. «Մենք զուգահեռ գնում ենք 17-ի ձևաչափով, որպեսզի եթե որևէ պայմանավորվածություն խախտվի և ֆորսմաժորային իրավիճակներ լինեն, ընդդիմությունը կարողանա քայլեր ձեռնարկել: Մենք «Հայրենիքի փրկության շարժման» ձևաչափի շարժման մեջ ենք և որևէ նոր բան չի քննարկվել, ես մարտի 28-ի հանրահավաքին մասնակցելու եմ, բայց մենք չենք քննարկել, որ կիրակի օրվա հանրահավաքին գնալու ենք, թե ոչ»:
Մանրամասները՝ տեսանյութում:
