31.10.2026 | 19:51
Քննարկվել են ՀՀ և բրազիլական ինքնաթիռաշինական համաշխարային ընկերության միջև համագործակցության հնարավոր հեռանկարները
Կառավարությունը հեգնական վերաբերմունք ցուցաբերեց․ «Իմ քայլից» դուրս եկած պատգամավորները դժգոհեցին. ՏԵՍԱՆՅՈՒԹ
Քաղաքականություն
25.03.2021 | 10:43
«Պարոն Միրզոյան, Դուք խորհրդարանական կառավարման երկրի խորհրդարանի նախագահն եք, և ուզում եմ հիշեցնել, որ Դուք ոչ միայն այն զանգվածի նախագահն եք, որ Ձեզ ծափահարում է, այլ նաև այն՝ որ Ձեզ չի ծափահարում»,- ԱԺ ամբիոնից, դիմելով Արարատ Միրզոյանին, ասաց անկախ պատգամավոր Գոռ Գևորգյանը՝ դժգոհելով, որ կառավարության հետ հարցուպատասխանի ընթացքում ՄԻՊ-ի վերաբերյալ իր հնչեցրած բանավոր հարցին առաջարկել են գրավոր դիմել։
«Այո՛, պատգամավորը կարող է գրավոր դիմել, բայց այս հարթակը պետք է ծառայի բանավոր խոսքի ու հարցուպատասխանի համար։ Խորհրդարանը, Ձեր գլխավորությամբ, կրավորական դերակատարություն է ունեցել վերջին մի քանի ամիսներին։ Դրա վառ ապացույցն է անցած օրը կառավարության անդամների կողմից հեգնական վերաբերմունքը պատգամավորների հնչեցրած հարցերին», – ասաց Գևորգյանը՝ հավելելով, որ ԱԺ նախագահը պետք է միջամտեր. այստեղ է նաև կերտվում հետագիծը:
Արձագանքելով Գոռ Գևորգյանին՝ Արարատ Միրզոյանը նշեց, որ պատգամավորի հորդորի մի մասը համարում է կառուցողական։
«Ձեր հորդորի մի մասը կառուցողական է, մի մասն էլ, թույլ տվեք՝ ես որոշեմ, էլի։ Ամեն մարդ թող իր հետագծի մասին մտածի»,- ասաց Միրզոյանը։
Մանրամասները՝ տեսանյութում:
