30.06.2026 | 18:30
Հայաստանի և Վրաստանի ՆԳ նախարարները քննարկել են երկկողմ համագործակցության ու տարածաշրջանային խաղաղության հարցեր
Ճապոնիայում սկսվել է օլիմպիական ջահի փոխանցավազքը
Քաղաքականություն
25.03.2021 | 12:03
Ճապոնիայի Ֆուկուսիմա պրեֆեկտուրայում սկսվել է օլիմպիական ջահի փոխանցավազքը, որն անցնելու է բոլոր 47 պրեֆեկտուրաներով և ավարտվելու է Տոկիոյում, որտեղ հուլիսի 23-ին նախատեսված է ամառային Օլիմպիական խաղերի բացումը, գրում է BBC-ի ռուսական ծառայությունը:
Առաջին ջահակիրները Ճապոնիայի ֆուտբոլի կանանց ազգային հավաքականի խաղացողներն են, իսկ էստաֆետային կմասնակցի ավելի քան 10 հազար մարդ: Արարողությունը տեղի է ունեցել սահմանափակ թվով մասնակիցների մասնակցությամբ` կորոնավիրուսային սահմանափակումների պատճառով։ Այն բացել է Օլիմպիական խաղերի կազմկոմիտեի ղեկավար Սեյկո Հաշիմոտոն, որն այս պաշտոնում նշանակվել էր փետրվարի վերջին:
Հիշեցնենք, որ Տոկիոյի Օլիմպիական խաղերը պետք է տեղի ունենային 2020 թվականի հուլիսի 24-ից օգոստոսի 9-ը, սակայն համաճարակի պատճառով հետաձգվեցին մեկ տարով:
Տաթև Ֆռանգյան
