09.06.2026 | 20:30
Ով էր վստահ, որ հաղթելու է․ սպասելիքներ և իրականություն․ ԵզրաԿԱՑՈՒԹՅՈՒՆ
Փորձ է արվում ջնջել Արցախի հազարամյա մշակութային ժառանգությունը և դրա պատկանելությունը․ Այվազյան. ՏԵՍԱՆՅՈՒԹ
Քաղաքականություն
24.03.2021 | 17:50
Ազգային ժողով-կառավարություն հարցուպատասխանի ժամանակ «Իմ քայլի» պատգամավոր Տաթև Հայրապետյանն անդրադարձավ մշակութային հանձնաժողովի մեկնարկային նիստին. «Ի՞նչ նպատակներով է ստեղծվել այդ հանձնաժողովը: Ինչպե՞ս է հայ դիվանագիտությունը պատրաստվում օգտագործել մշակույթի գործոնը, հատկապես հետպատերազմյան իրավիճակում»:
«Մշակույթը որպես փափուկ ուժի գործոն շատ կարևոր նշանակություն ունի: Մենք հայտ ենք ներկայացնում մշակույթը մեր դիվանագիտության կարևոր գործիք դարձնելու ուղղությամբ»,- նշեց ԱԳ նախարար Արա Այվազյանը:
Պատգամավորն անդրադարձավ նաև Ադրբեջանի կողմից հայկական մշակութային ժառանգության վերացման խնդրին:
«Արցախի պատմամշակութային ժառանգությունը համաշխարհային մշակույթի անբաժանելի մասն է, և դրա ոչնչացումը, պղծումը կամ կեղծումը պետք է խստագույնս կանխվի… Արցախի տարածքների հայաթափումից հետո գործի է դրվել մշակութային ժառանգության ոչնչացումը: Փորձ է արվում ջնջել Արցախի հազարամյա մշակութային ժառանգությունը և դրա պատկանելությունը»,- նշեց Այվազյանը:
Մանրամասները՝ տեսանյութում:
