15.12.2024 | 17:40
Հրշեջները մարել են Արշակունյաց պողոտայի հյուրանոցներից մեկում բռնկված հրդեհը
Մերկելը չեղարկել է Զատկի տոնակատարությունները երկարացնելու իր որոշումն ու ներողություն է խնդրել քաղաքացիներից
Քաղաքականություն
24.03.2021 | 17:36
Գերմանիայի կանցլեր Անգելա Մերկելը չեղարկել է Զատկի տոնակատարությունները երկարացնելու մասին իր որոշումը։ Գերմանիայի քաղաքացիները պետք է սահմանափակող միջոցառումների շրջանակներում հանգստանային ապրիլի 1-ից 5-ն ընկած ժամանակահատվածում։ Այս մասին հայտնում է Tagesschau հեռուստաալիքը։
Մերկելը սույն որոշումն անվանել է իր սեփական սխալը։ «Առավոտյան ես որոշել եմ չեղարկել երկուշաբթի օրը համաձայնեցված՝ Զատկի լրացուցիչ հանգստյան օրերին մասին որոշումս», – ասել է կանցլերը շրջանների ղեկավարների հետ հանդիպումից հետո, որը տեղի էր ունեցել իշխանությունների վերջին որոշումների վերաբերյալ քննադատությունների ֆոնին:
Մերկելը նաև ներողություն է խնդրել քաղաքացիներից ու իր ափսոսանքն հայտնել կատարվածի պատճառով։
Նա նշել է, որ հավելյալ երկօրյա տոնակատարությունների հայտարարումը կհանգեցներ չափից դուրս խնդիրների ու հարցերի, որոնք պետք է լուծվեին մի քանի օրում, իսկ դրանց վնասը կգերազանցեր օգտակար ազդեցությունը։
«Դա միայն իմ սխալն է, քանի որ, վերջին հաշվով, ամեն բանի համար ես եմ կրում պատասխանատվությունը»,- ընդգծել է նա ու քաղաքացիներից ներողություն խնդել։
Մերկելը հավելել է, որ իրեն հայտնի է այն, որ Զատկի տոնակատարությունները երկարացնելու որոշումը բնակչության շրջանում հավելյալ անվստահություն է առաջացրել։
Տաթև Ֆռանգյան
