26.08.2026 | 23:30
Երևանում ապամոնտաժվել են ևս երկու ապօրինի կառույցներ. քաղաքապետարան
Բլինքենը կոչ է արել Թուրքիային հրաժարվել ռուսական С-400-ից, Չավուշօղլուն գործարքը կայացած է անվանել
Քաղաքականություն
24.03.2021 | 19:00
ՆԱՏՕ-ի ԱԳՆ ղեկավարների հանդիպման կապակցությամբ Բրյուսելում գտնվող ԱՄՆ պետքարտուղար Էնթոնի Բլինքենը Թուրքիայի արտգործնախարար Մևլյութ Չավուշօղլուի հետ բանակցությունների ժամանակ կոչ է արել Անկարային հրաժարվել ռուսական զենիթահրթիռային С-400 համակարգերից։ Այս մասին ասված է Պետդեպարտամենտի մամլո ծառայության կողմից տարածված գրավոր հայտարարության մեջ։
«Պետքարտուղար Բլինքենը կոչ է արել Թուրքիային իր վերահսկողության տակ չթողնել ռուսական С-400 ԶՀՀ, իր անհանգստությունն է հայտնել Ստամբուլյան կոնվենցիայից Թուրքիայի դուրս գալու կապակցությամբ, որն ուղղված է կանանց հանդեպ բռնության դեմ պայքարին, ինչպես նաև ընդգծել է ժողովրդավարական ինստիտուտների ու մարդու իրավունքների հարգման կարևորությունը»,- նշել է դիվանագետը։
Մինչ այդ, թուրքական լրատվամիջոցները հայտնում են, որ Չավուշօղլուն ԱՄՆ պետքարտուղարի հետ առաջին անձնական հանդիպման ընթացքում հայտարարել է, որ Ռուսաստանի հետ ԶՀՀ գնման պայմանագիրը ավարտված գործ է։
«Մենք ԱՄՆ պետքարտուղար Էնթոնի Բլինքենի հետ կառուցողական բանակցություններ ենք անցկացրել։ Դրանց ընթացքում մենք հիշեցրել ենք, թե ինչու ենք որոշել գնել դրանք։ Նաև հայտարարել ենք, որ С-400-ի գործարքը կայացած գործարք է»,- ասել է նա Բրյուսելում կայացած մամլո ասուլիսի ժամանակ։
