17.09.2026 | 15:28
«Արևմուտքը բացահայտ միջամտում է Հայաստանի և Վրաստանի գործերին»․ Շոյգու
Պարո՛ն Ուրիխանյան, Դուք Ձեզ ավելի անհաջող վիճակում դրեցիք, քան փոխնախարարին․ Ալեն Սիմոնյան. ՏԵՍԱՆՅՈՒԹ
Քաղաքականություն
24.03.2021 | 12:58
«Նախընտրական փուլ է, և Պարո՛ն Ուրիխանյան, Դուք Ձեզ ավելի անհաջող վիճակում դրեցիք, քան փոխնախարարին․ԲՏԱ նախարար Հակոբ Արշակյանի և լրագրողներից մեկի միջև տեղի ունեցած միջադեպը շատ բարձր մակարդակով քննադատվել է»,- այս մասին ԱԺ ամբիոնից հայտարարեց ԱԺ նախագահի տեղակալ Ալեն Սիմոնյանը:
Մինչ այդ ԱԺ անկախ պատգամավոր Տիգրան Ուրիխանյանը խորհրդարանական ամբիոնից անդրադարձել էր լրագրողներին նկատմամբ բռնությունների դեպքերին, մասնավորապես, լրագրող Փայլակ Ֆահրադյանի նկատմամբ ԲՏԱ նախարար Հակոբ Արշակյանի կողմից բռնությանը:
«Ես նույնպես 3 օր առաջ դրա մասին խոսել եմ և հիմա էլ եմ ասում, որ բռնությունը լրագրողի նկատմամբ անթույլատրելի է: Իսկ այն փորձը, որ արվում է ներկայացնել, զուգահեռներ անցկացնել նախկին իշխանության ներկայացուցիչների վարվելակերպի հետ, անհաջողության է մատնվելու: Այո՛, իմ գործընկերոջ արձագանքը շատ սխալ էր, բայց միևնույն ժամանակ այդ փորձերը չեն հաջողվելու»,- նշեց Սիմոնյանը:
ԱԺ փոխխոսնակը խնդրեց նախընտրական դիվիդենտ շահելու համար գործընկերներին չպախարակել և դրա համար չփորձել լրագրողական համայնքը օգտագործել: «ՀՀ-ում չկա ու չի կարող լինել իշխանություն, որը լրագրող է ծեծում, բռնություն է գործադրում կամ դա գովաբանում է, մոռացե՛ք դա ու մի՛ շահարկեք»,- նշեց Սիմոնյանը:
Մանրամասները՝ տեսանյութում:
