16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Ռազմական դրությունը չեղարկվեց․ Ազգային ժողովն ընդունեց նախագիծը
Քաղաքականություն
24.03.2021 | 10:31
Խորհրդարանն ընդունեց ԱԺ «Բարգավաճ Հայաստան» և «Լուսավոր Հայաստան» խմբակցությունների առաջարկած՝ «Ռազմական դրությունը վերացնելու մասին» որոշման նախագիծ ընդունելու մասին հարցը: Այն ընդունվեց ձայների 118 կողմ, 1 դեմ և 1 ձեռնպահ հարաբերակցությամբ։
Հիմնական զեկուցող, «Լուսավոր Հայաստան» խմբակցության ղեկավար Էդմոն Մարուքյանը հիշեցրեց՝ ընդդիմադիր խմբակցությունները երրորդ անգամ են ներկայացնում նման առաջարկ:
«Հիմա այլ իրողություններ են Հայաստանում: Ռազմական դրության իրականությունը սահմանափակում է ընդդիմության իրավունքները, սահմանափակում է երկրում ժողովրդավարությունը, որովհետև ՏԻՄ-եր կան, որ այնտեղ ընտրություններ չկան: Անգամ համայնք կա, որտեղ ավագանի չկա: Քանի որ կա պայմանավորվածություն, երկրում լարվածությունը գնալով թուլանում և թուլացել է, մենք հիմա առաջարկում ենք ռազմական դրությունը հանել և լծվել մեր երկրի խնդիրների լուծմանը»,- նշեց Մարուքյանը:
ԱԺ նախագահ Արարատ Միրզոյանը ռազմական դրությունը հանելու մասին օրինագծի վերաբերյալ իր ելույթում անհիմն որակեց պնդումները, թե ռազմական դրությունը երկարաձգելը ներքաղաքական դրդապատճառ ունի:
«Ես հիմնավոր եմ համարում մեր գործընկերների տեսակետը, որ լավագույն լուծումը կլիներ, եթե Կառավարությունն ինքը ամփոփեր ռազմական դրությամբ պայմանավորված իր աշխատանքները, միջոցառումները քիչ-քիչ դադարեցներ և ինքը նախաձեռներ ռազմական դրությունը հանելը: Բոլորս ակնհայտորեն ընդունում ենք, որ հայտարարված են արտահերթ խորհրդարանական ընտրություններ, և առաջիկայում՝ 7 օրից, 5 օրից, այսպես թե այնպես, Կառավարությունն ինքը կամ կառավարող մեծամասնությունը պետք է նախաձեռներ այս գործընթացը, և ռազմական դրությունը պետք է դուրս գար»,- նշեց Միրզոյանը:
ԱԺ նախագահն առաջարկեց ընդառաջել խորհրդարանական ընդդիմության նախաձեռնությանը և կողմ քվեարկել այդ նախագծին:
