Քաղաքականություն
23.03.2021 | 18:47
Բանգլադեշի Կոքս Բազար քաղաքում տեղակայված փախստականների ճամբարում խոշոր հրդեհ է բռնկվել, որի հետևանքով մի քանի հազար կացարան է այրվել։ Առնվազն 15 զոհ կա․ հայտնում է Reuters-ը։
ՄԱԿ-ի փախստականների գործակալությունը հայտնում է, որ հրդեհի հետևանքով 400 մարդ անհետ կորել է։
Ականատեսների խոսքով՝ ճամբարի ցանկապատը խիստ դժվարացրել է փախուստի հնարավորությունը կրակի գոտուց։
ՄԱԿ-ի փախստականների գործակալությունը հայտնում է, որ ավելի քան 500 վիրավոր կա, 45 հազար տեղահանված։
Նշվում է, որ հրդեհի պատճառը դեռևս անհայտ է։
Նելլի Մելքոնյան
