30.06.2026 | 22:20
Էրդողանն արձագանքել է Իսրայելի կառավարության՝ Հայոց ցեղասպանության ճանաչման որոշմանը
Կանխատեսվում է Սևանա լճի 6-11 սմ բարձրացում․ ջրաբանական տարին կլինի լավը. ՏԵՍԱՆՅՈՒԹ
Տնտեսություն
23.03.2021 | 10:33
Հանրապետության 5 խոշոր ջրամաբարներում (Ախուրյան, Արփի, Ապարան, Ազատ, Մարմարիկ) 74 մլն խմ պակաս ջուր է ամբարված նախորդ տարվա նույն ժամանակահատվածի համեմատ:
Այսօր հրավիրված ասուլիսում այս մասին նշեց ՀՀ շրջակա միջավայրի նախարարության «Հիդրոօդերևութաբանության և մոնիտորինգի կենտրոն» ՊՈԱԿ-ի տնօրենի ժամանակավոր պաշտոնակատար Լևոն Ազիզյանը:
«Նախաձմեռային ժամանակշրջանի հիդրոօդերևութաբանական պայմաններն այնքան էլ բարենպաստ չեն եղել, փոխարենը, կարող ենք ասել, որ ձմեռային ժամանակաշրջանը բավական նպաստավոր էր: Այսօրվա դրությամբ հանրապետությունում ձնածակույթը բավական շատ է: Օրինակ, Ջերմուկում նախորդ տարվա նույն ժամանակահատվածում ունեինք 3 սմ ձնածակույթ, այսօրվա դրությամբ ձնածածկույթը հասնում է 90 սմ-ի: Ամբերդում նախորդ տարի ձնածածկույթը 9 սմ էր, այս տարի՝ 100 սմ: Այն հատվածներում, որտեղ ձնածածկույթ կա, այն նվազագույնը 3-4 անգամ ավելին է»,- ասաց Լևոն Ազիզյանը:
Լևոն Ազիզյանի խոսքով՝ հանրապետությունում կանխատեսվում է նորմային մոտ ջրաբանական տարի: Ջրամբարների լցվածությունը Մարմարիկի և Ազատի ջրամբարներում կանխատեսվում է 100 տոկոս, Ախուրյանի ջրամբարում՝ 80-85 տոկոս լցվածություն, Արփի լիճ ջրամբարում կանխատեսվում է 65-70 տոկոս, իսկ Ապարանի ջրամբարում՝ 55-60 տոկոս լցվածություն:
Ինչ վերաբերում է Սևանա լճին, ապա Լևոն Ազիզյանը նշեց, որ այսօր լճի մակադակը 1900 մ 60 սմ է, ինչը 15 սմ-ով բարձր է նախրդ տարվա նույն օրվա համեմատ: Նրա խոսքով՝ ապրիլ- հունիսին կանխատեսվում է Սևանա լճի մակարդակի բարձրացում 37-42 սմ-ով, տարեկան կտրվածքով՝ 6-11 սմ-ով:
Մանրամասները՝ տեսանյութում:
