18.11.2024 | 23:35
ԵՄ-ն ծրագրում է «քաղաքական առաքելություն» ուղարկել Վրաստան. Բորել
Քոչարյանի հետ համագործակցության մասին խոսելը դեռ շուտ է, մեզ Ծառուկյանը պետք է առաջնորդի. Մելքումյան. ՏԵՍԱՆՅՈՒԹ
Քաղաքականություն
22.03.2021 | 17:39
Ոչ մի խոստում էլ չի եղել, ժողովրդի թիկունքում որևէ գաղտնի բան տեղի չի ունեցել: Այս մասին Factor.am-ի հետ զրույցում ասաց ԲՀԿ խմբակցության պատգամավոր Միքայել Մելքումյանը՝ անդրադառնալով դիտարկմանը, որ խորհրդարանական խմբակցությունները և արտախորհրդարանական մի քանի ուժեր եկել են կոնսենսուսի՝ գնալ արտահերթ ընտրությունների, և հարցին, թե ինչ խոստացավ Նիկոլ Փաշինյանը, որ ԲՀԿ-ն գնաց այդ համաձայնությանը:
«ԲՀԿ-ն ընտրություններին մասնակցելու է միայնակ: Դեռ վաղ է, մենք քննարկում չենք արել, բայց կարող ենք ենթադրել, որ, իհարկե, մեր կուսակցության ղեկավարը պետք է առաջնորդի, իսկ թե ով կլինի ցուցակում, դեռ չեմ կարող ասել»,- նշեց պատգամավորը:
«Չորս ամսվա ընթացքում ամենատարբեր ակցիաներ տեղի ունեցան, քաղաքական զինանոցում հայտնի և անհայտ բոլոր միջոցները կիրառվեցին, և հրաժարական չեղավ… Շատ ճիշտ է, որ հիմա 17-ի ձևաչափը գնում է սահմանադրական ճանապարհով, զուգահեռ հանգուցալուծման կետը կա՝ հունիսի 20, և մինչ այդ հրաժարական. մենք գնում ենք հանգուցալուծման, որ նոնսենս չստեղծվի և բախումներ չլինեն»,- նշեց ԲՀԿ խմբակցության պատգամավորը:
Անդրադառնալով դիտարկմանը, որ Ռոբերտ Քոչարյանը հայտ է ներկայացրել մասնակցելու արտահերթ ընտրություններին և հարցին, թե բացառո՞ւմ է ԲՀԿ-Քոչարյան համագործակցությունը ընտրություններին՝ Մելքումյանն ընդգծեց, որ Ռոբերտ Քոչարյանի հետ համագործակցության մասին խոսելը դեռ շուտ է. ջուրը դեռ չտեսած՝ բոբիկանալ չկա:
Մանրամասները՝ տեսանյութում:
