11.10.2026 | 20:00
15 հազար մարդ Հայաստան է գալիս․ ի՞նչ է սպասվում COP17-ում․ բնությունը մարդուց պաշտպանելու ՇԵՐՏԵՐԸ
Ավստրալիայում ջրհեղեղի հետևանքով 18 հազար մարդ է տարհանվել․ BBC
Քաղաքականություն
22.03.2021 | 16:06
Ավստրալական Սիդնեյ քաղաքի շրջակայքում՝ Նոր Հարավային Ուելս նահանգում, ջրհեղեղի հետևանքով 18.000 մարդ է տարհանվել․ հայտնում է BBC-ն։ Ջրհեղեղի հետևանքով 200 դպրոց է փակվել։
Երեք օր տևած անդադար հորդառատ անձրևի հետևանքով նահանգի գետերը դուրս են եկել ափերից։ Նշվում է, որ հեղեղվել են տներ, մեքենաներ, ճանապարհներ, կամուրջներ, կենդանիներ և ֆերմերային տնտեսություններ:
Al Jazeera-ի փոխանցմամբ՝ հորդառատ ջրհեղեղի պատճառը Սիդնեյի խմելու ջրի հիմնական աղբյուրն է՝ Վարանգամվա ամբարտակը։
Լրատվամիջոցի փոխանցմամբ՝ Ավստրալիայի արտակարգ իրավիճակների ծառայությունները հայտնում են, որ, ամենայն հավանականությամբ, սա, 1961-ի նոյեմբերից ի վեր, ամենախոշոր ջրհեղեղն է։ Երկրի իշխանություններն ակնկալում են, որ «վայրի» եղանակը կշարունակվի մինչ չորեքշաբթի:
5 News Australia ավստրալական լրատվամիջոցը Թվիթերում հրապարակել է տեսանյութ, որտեղ երևում է, թե ինչպես է տունը ջրի վրա լողում։ Ավստրալացի մի կին էլ լուսանկարներ է հրապարակել և կից գրել․ «Եթե գետը 2 մետր էլ բարձրանա, մեր տուն կլցվի»։
Նելլի Մելքոնյան
