19.01.2026 | 09:46
Լարս ավտոճանապարհը փակ է
Թրամփը Բայդենին կոչ է արել ավարտել Մեքսիկայի հետ սահմանին արգելապատի կառուցումը
Քաղաքականություն
22.03.2021 | 13:36
ԱՄՆ նախկին նախագահ Դոնալդ Թրամփը երկրի ներկայիս վարչակազմին կոչ է արել ավարտել Մեքսիկայի հետ սահմանին պատի կառուցումը։ Այս մասին թվիթերի իր միկրոբլոգում տեղեկացրել է Թրամփի նախկին ներկայացուցիչ Շոն Սփայսերը։
ԱՄՆ նախկին նախագահի կարծիքով՝ իրեն հաջողվել Էր սահմանի հուսալի պահապանություն ապահովել, իսկ Բայդենի վարչակազմը մի քանի շաբաթում ազգային հաղթանակն ազգային աղետի վերածեց:
«Մենք պատմության մեջ ամենաապահով սահմանը հպարտությամբ հանձնել ենք Բայդենի վարչակազմին: Նրանց մնում էր միայն թույլ տալ, որ այս անխափան համակարգն աշխատի ինքնավար ռեժիմով: Փոխարենը, մի քանի շաբաթվա ընթացքում, Բայդենի վարչակազմն ազգային հաղթարշավը վերածեց ազգային աղետի: Մեր երկիրը կործանվում է։ Նրանց գործողությունները հանգեցնում են մահվան և մարդկային ողբերգության»,- նշել է Թրամփը:
ԱՄՆ-ի նախկին նախագահը հայտարարել Է, որ նոր վարչակազմը «պետք Է անհապաղ ավարտի արգելապատի կառոուցումը»: Թրամփը խոսքով՝ պատի շինարարությունն ավարտին հասցնելն ընդամենը մի քանի շաբաթ կարող է տևել։
Նելլի Մելքոնյան
