Քաղաքականություն
19.03.2021 | 14:27«Ընտրական օրենսգրքի նախագծի վրա շուրջ մեկ տարի աշխատանքներ են ընթացել, «Լուսավոր Հայաստանն» ամենակառուցողական ձևով մասնակցել է այդ աշխատանքներին, «Լուսավոր Հայաստանն» առաջարկել է բաց ցուցակ ռեյտինգային ամբողջ հանրապետությունում, սակայն չի ընդունվել այդ տարբերակը՝ չնայած շնորհակալ ենք, որ այդ տարբերակն է ուղարկված Վենետիկի հանձնաժողով: Այս պահին մենք ունենք իրողություն՝ խորհրդարանական ուժերի կոնսենսուսի արդյունքում կա հայտարարված խորհրդարանական արտահերթ ընտրությունների օր, և այդ օրը հայտարարելու պահից սկսած՝ մեկնարկել է սպասվող ընտրությունների աշխատանքը»,- այս մասին լրագրողների հետ զրույցում հայտարարեց ԱԺ «Լուսավոր Հայաստան» խմբակցության ղեկավար Էդմոն Մարուքյանը:
«Եթե փորձ արվի նոր ԸՕ ընդունել, դա կտևի 20 օր, մեկ ամիս: Դա կնշանակի պրոցեսի ընթացքում փոխել խաղի կանոնները: Այս փուլում մենք չենք տեսնում հնարավորություն գալ կոնսենսուսի այդ հարցով: Մեզ անհանգստացնում է այն, որ խաղի ընթացքում խաղի նոր կանոններ ստեղծելը ետ կգցի պրոցեսները, երկրորդը՝ մարզային ներգրավվածությունը կնվազի խորհրդարանում»,- նշեց Մարուքյանը:
Մանրամասները՝ տեսանյութում:
