19.05.2026 | 23:56
Հայաստանի մի շարք հասցեներում էլեկտրաէներգիայի անջատումներ կլինեն
Իրանի արտգործնախարարը կրկին Թուրքիայում է․ քննարկվել են տարածաշրջանային հարցեր
Քաղաքականություն
19.03.2021 | 14:50
Իրանի արտգործնախարար Մոհամմադ Ջավադ Զարիֆն ու նրա թուրք գործընկեր Մևլյութ Չավուշօղլուն այսօր բանակցություններ են վարել Ստամբուլում։ Այս մասին հայտնում է Mehr գործակալությունը։
Հանդիպման ժամանակ երկու դիվանագետները քննարկել են Թուրքիայի ու Իրանի միջև երկկողմ հարաբերությունները, ինչպես նաև առկա տարածաշրջանային ու միջազգային խնդիրները։
Ավելի վաղ Թուրքիայի արտգործնախարարությունը հայտարարություն էր տարածել, որում ասվել էր, որ Զարիֆի պաշտոնական այցը Թուրքիա երկուստեք հետաքրքրություն ներկայացնող հարցերի քննարկման նպատակով է:
Հիշեցնենք՝ Իրանի արտգործնախարարը, հունվարի վերջին Ստամբուլ կատարած իր աշխատանքային այցի ժամանակ, հայտնել էր, որ Թեհրանում տեղի կունենա Իրանի, Թուրքիայի և Ադրբեջանի ղեկավարների եռակողմ հանդիպումը ՝ տարածաշրջանային համագործակցության վերաբերյալ հարցերի քննարկման նպատակով:
Տաթև Ֆռանգյան
