17.09.2026 | 16:17
Ալեն Սիմոնյանը ներկայացրել է Հայաստանի ազգային անվտանգության դոկտրինի հիմնական սկզբունքներն ու առաջնահերթությունները
Բայդենը չի պատասխանել, թե արդյոք պատրաստ է անձամբ խոսել Պուտինի հետ
Քաղաքականություն
19.03.2021 | 14:02
ԱՄՆ նախագահ Ջո Բայդենը չի պատասխանել այն հարցին, թե պատրաստ է արդյոք անձամբ խոսել ՌԴ նախագահ Վլադիմիր Պուտինի հետ, գրում է BBC-ի ռուսական ծառայությունը:
Բայդենը Սպիտակ տանը խոսել է կորոնավիրուսի թեմայից: Իր խոսքի վերջում լրագրողներից մեկը հիշեցրել է Պուտինի խոսելու առաջարկը և հարցրել, թե արդյոք Բայդենը կհամաձայնի դրան: Բայդենը չի պատասխանել և առանց շրջվելու հեռացել է ամբիոնից:
Նախօրեին ԱՄՆ նախագահը հայտարարել էր, որ իր ռուս գործընկերը պետք է պատասխան տա ամերիկյան ընտրություններին միջամտելու փորձերի համար: «Նա կվճարի դրա համար», – ասել էր Բայդենը ABC- ին տված հարցազրույցում:
Լրագրողը այնուհետ հարցրել էր, թե նա Պուտինին «մարդասպան» համարում է: Բայդենը մի փոքր մտածելուց հետո դրական էր պատասխանել:
Ինքը՝ Պուտինը, հինգշաբթի երեկոյան հայտարարել էր, որ պատրաստ է խոսել Բայդենի հետ: «Ես շատ չէի հետաձգի այդ զրույցը: Ես ուզում եմ շաբաթվա վերջ մի փոքր հանգստանալ տայգայում: Հակառակ դեպքում հնարավոր կլիներ կամ վաղը, կամ երկուշաբթի [զրույց ունենալ-խմբ.]: Մենք պատրաստ ենք ցանկացած ժամանակ, երբ հարմար կլինի ամերիկյան կողմի համար», – ասել է նա:
Տաթև Ֆռանգյան
