11.03.2026 | 18:54
Ադրբեջանի դերը տարածաշրջանում այսօր ավելի կարևոր է, քան երբևէ. Անտոնիո Կոշտա
ԵՄ-ն հայտարարել է, որ ռուս գործարարների դեմ պատժամիջոցների հիմքեր չկան․ ՏԱՍՍ
Քաղաքականություն
18.03.2021 | 20:24
Եվրամիությունը բավարար հիմքեր չունի՝ ռուս խոշոր ձեռնարկատերերի դեմ պատժամիջոցներ կիրառելու համար: Այս մասին այսօր Բրյուսելում լրագրողներին հայտնել է ԵՄ բարձրաստիճան ներկայացուցիչը՝ կառույցի անդամ 27 երկրների արտգործնախարարների՝ մարտի 22-ի հանդիպմանն ընդառաջ. հաղորդում է ՏԱՍՍ-ը:
«Պատժամիջոցները հիմնված են ապացույցների վրա, որոնք պետք է լինեն էական, քանի որ կա օրենք և դատարան: Պատժամիջոցների քաղաքական նպատակը վարքի փոխոխությունն է։ Մի օր օլիգարխը կարող է հայտնվել սև ցուցակում, բայց ոչ այն պատճառով, որ օլիգարխ է, այլ իր կատարած որոշակի գործողությունների»,- ասել է պաշտոնյան և շեշտել, որ ԵՄ-ն պատժամիջոցներ է սահմանում որոշ հանցագործությունների և խախտումների համար պատասխանատու անձանց նկատմամբ:
Ինչպես սպասվում էր՝ ԵՄ 27 երկրների արտգործնախարարները մարտի 22-ին կայացած հանդիպմանը կհաստատեն նոր սահմանափակող միջոցներն անհատների, այդ թվում ՝ Ռուսաստանի քաղաքացիների նկատմամբ, որոնք, ըստ համայնքի, պատասխանատու են մարդու իրավունքների խախտումների համար:
Հավելենք՝ Եվրամիությունը մարտի 2-ին առաջին անգամ պատժամիջոցներ սահմանեց՝ որպես մարդու իրավունքների խախտումների հետ կապված իր նոր մեխանիզմի մաս: Բրյուսելը սև ցուցակում ընդգրկել է Ռուսաստանի չորս քաղաքացիների․ Գլխավոր դատախազ Իգոր Կրասնովին, Քննչական կոմիտեի ղեկավար Ալեքսանդր Բաստրիկինի, Պատժների կատարման դաշնային ծառայության ղեկավար Ալեքսանդր Կալաշնիկովի և Ռուսաստանի գվարդիայի հրամանատար Վիկտոր Զոլոտովի: Նրանցից բոլորն, ըստ կառույցի, պատասխանատու են Ալեքսեյ Նավալնիի դատապարտման համար:
