11.10.2026 | 20:00
15 հազար մարդ Հայաստան է գալիս․ ի՞նչ է սպասվում COP17-ում․ բնությունը մարդուց պաշտպանելու ՇԵՐՏԵՐԸ
Ադրբեջանում հայտնաբերվել է COVID-19-ի բրիտանական շտամը․ Reuters
Քաղաքականություն
18.03.2021 | 17:28
Ադրբեջանում հայտնաբերվել են COVID-19-ի բրիտանական շտամի առաջին դեպքերը։ Այս մասին հայտնում է Reuters-ը՝ հղում կատարելով երկրի իշխանություններին։
Նշվում է, որ կորոնավիրուսի բրիտանական շտամը հայտնաբերվել է երեք անձի մոտ։ Ադրբեջանի Արյունաբանության և փոխներարկումների կենտրոնից նշում են, որ երկրում կիրառվում է չինական արտադրության Sinovac Biotech Ltd պատվաստանյութը և որ այն արդյունավետորեն կանխում է COVID-19-ի խիստ վարակիչ տեսակ համարվող բրիտանական շտամի տարածումը։
Հավելենք, որ մինչ օրս Ադրբեջանում հաստատվել է COVID-19-ով վարակման 243 հազարից ավելի դեպք, որից 3․314-ը՝ մահվան ելքով։ Վերջին մեկ օրում երկրում գրանցվել է կորոնավիրուսի 933 նոր դեպք և 7 մահ։ Հաստատված դեպքերի թվով Ադրբեջանն աշխարհում 55-րդն է։
