31.10.2026 | 22:55
Հայտնաբերվել է զինծառայողի դի. ՊՆ
Ես կարող եմ պաշտոնը լքել, բայց խրամատը՝ ոչ. Սերժ Սարգսյան. ՏԵՍԱՆՅՈՒԹ
Քաղաքականություն
18.03.2021 | 14:08
Ես քաղաքական խրամատը չեմ լքելու, ես խրամատ լքող չեմ: Այս մասին դատարանի շենքի դիմաց իր աջակիցների առջև ելույթ ունենալով՝ նշեց ՀՀ երրորդ նախագահ, ՀՀԿ ղեկավարն Սերժ Սարգսյանը:
«Այս երեք տարիների ընթացքում մենք նաև կուսակցական կորուստներ ունեցանք, բայց նաև կոփվեցինք, մեր շարքերը բյուրեղացան և մենք այսօր ևս ունենք պրոֆեսիոնալ և մրցունակ թիմ, և պայքարելու ենք մեր ազգային և ուժեղ պետության համար:
Ես քաղաքական խրամատը չեմ լքելու, ես խրամատ լքող չեմ: Իմ անցած կյանքում ես ապացուցել եմ: Ես կարող եմ հեշտությամբ պաշտոն զիջել, ես կարող եմ հանուն Հայաստանի ժողովրդի, հանուն հայ ժողովրդի զիջել մի ողջ իշխանություն, բայց ես երբեք չեմ լքի խրամատը, որը պաշտպանում է հայկական պետականությունը: Սրանում կարող եք վստահ լինել:
ՀՀԿ-ի ձայնը եղել է հնչեղ և այդպես էլ մնալու է: Մեր գործողությունները լինելու են հստակ, հաշվարկված, համակարգված, նպատակաուղղված և ազնիվ»,- նշեց Սարգսյանը:
Մանրամասները՝ տեսանյութում:
