15.05.2026 | 21:15
Նուռնուսի ամառանոցներից մեկում հրդեհ է բռնկվել
Օնիկ Գասպարյանը շարունակելու է պաշտոնավարել, մնացյալ գործընթացները պետք է կասեցվեն. Տարոն Սիմոնյան. ՏԵՍԱՆՅՈՒԹ
Քաղաքականություն
18.03.2021 | 13:02
Օնիկ Գասպարյանը շարունակելու է պաշտոնավարել, մնացյալ գործընթացները պետք է կասեցվեն: Այս մասին լրագրողների հետ զրույցում նշեց «Լուսավոր Հայաստան» խմբակցության պատգամավոր Տարոն Սիմոնյանը՝ անդրադառնալով դիտարկմանը, որ վարչապետի աշխատակազմը հայտարարել է, որ ԳՇ պետ Օնիկ Գասպարյանն ազատված է պաշտոնից, մինչդեռ նրա պաշտպանը պնդում է, որ նա շարունակում է պաշտոնավարել:
«Իրավահարաբերության բացակայության հայց է ներկայացվել, և դատարանը գտել է, որ պետք է հայցային ապահովում կիրառվի և կասեցվի այդ իրավահարաբերության ի հայտ գալը: Սա նշանակում է, որ ունենք մի իրավական ակտ, համաձայն որի՝ վեճի կողմերին՝ տվյալ պարագայում Կառավարությանը և Օնիկ Գասպարյանի թիմին ասել է, որ կասեցնեն այն իրավահարաբերությունը, որի համաձայն՝ Օնիկ Գասպարյանը պետք է դուրս գա աշխատանքից, մինչև դատական ակտի վերջնական ուժի մեջ մտնելը, հետևաբար Օնիկ Գասպարյանը շարունակելու է պաշտոնավարումը»,- նշեց պատգամավորը՝ հավելելով, որ Կառավարությունը տվյալ պարագայում վեճի կողմ է և իրավունք ունի բողոքարկելու վարչական ակտը:
«Մենք պետականության կարևորագույն ինստիտուտներից մեկի ղեկավարի հարցն ենք քննարկում, և այս պարագայում, բացի իրավական լուծումներից, անհրաժեշտ է նաև կոնսենսուսային քաղաքական լուծում»,- նշեց Սիմոնյանը:
Մանրամասները՝ տեսանյութում:
