16.01.2025 | 19:45
Խոստում, որն այդպես էլ չկատարվեց․ ինչո՞ւ են կալանքի գործերը շարունակում մակագրվել ձեռքով. ՏԵՍԱՆՅՈՒԹ
Հայաստանում կանցկացվեն Ղրիմի օրեր
Քաղաքականություն
18.03.2021 | 14:09
Հայաստանում կանցկացվեն Ղրիմի օրեր։ Այս մասին հայտնել է ՌԴ նախագահին կից Ղրիմի մշտական ներկայացուցիչ Գեորգի Մուրադովը՝ ՌԻԱ Նովոստիին տված հարցազրույցում։
«Ծրագրվում է մի շարք կոնֆերանսներ անցկացնել առկա ու հեռակա ձևաչափով, ինչպես նաև Հայաստանում ամենամյա Ղրիմի օրերը, որոնք նվիրված են վերամիավորման 7-րդ տարեդարձին։ Խոսքը տնտեսական, գործնական, զբոսաշրջային ու մշակութային ներուժի վերաբերյալ շնորհանդեսների մասին է։ Ղրիմի պաշտոնական պատվիրակության այցը նախատեսվում է ապրիլի առաջին կեսերին։ Սակայն պայմանով, որ Հայաստանում պահպանվի ընդունելի ու կայուն քաղաքական իրավիճակ»,- հայտարարել է Մուրադովը։
Վերջինս նաև նշել է, որ քայլեր են ձեռնարկվելու այնպիսի միջազգային հարթակներում, ինչպիսին է ՄԱԿ-ը, ԵԱՀԿ-ն, ԵԽԽՎ-ն, Ղրիմի առաջխաղացման համար։
Տաթև Ֆռանգյան
