16.05.2026 | 21:37
Փաշինյանը ներկայացրել է վարորդական իրավունքից զրկված անձանց խնդրի լուծման իր տարբերակը
Ամուլսարի հանքի շահագործման վերջնական որոշում չկա. Ռոմանոս Պետրոսյան. ՏԵՍԱՆՅՈՒԹ
Տնտեսություն
18.03.2021 | 12:46
Ամուլսարի հանքի շահագործման վերաբերյալ որևէ որոշում ֆիքսված չէ: Այս մասին կառավարության նիստից հետո լրագրողների հետ զրույցում նշեց Շրջակա միջավայրի նախարար Ռոմանոս Պետրոսյանը՝ անդրադառնալով դիտարկմանը, որ վերջերս վարչապետ Նիկոլ Փաշինյանը երկու անգամ ակնարկել է, որ հնարավոր է Ամուլսարի հանքը շահագործվի:
«Քանի դեռ քրեական գործ է ընթանում և հանգուցալուծված չէ և դրա հետ կապված այն օբյեկտիվ իրականությունը, որին սպասում ենք բոլորս, դեռևս հանրայնացված չէ, ես չեմ կարող այդ առումով մեկնաբանություն անել: Բայս կարող եմ երաշխավորել, որ եթե Քննչական կոմիտեի վարույթում գտնվող գործը վեր հանի այնպիսի փաստեր, որոնք կասկածի տակ կդնեն ՇՄԱԳ-ը, «Լիդիան Արմենիայի» վտանգավոր թափոնների տեղադրման թույլտվությունը և ջրօգտագործման թույլտվությունը, ապա ես իմ լիազորություններով ամենախիստ հակադարձումը կանեմ, բայց եթե իրավական երկրում որևէ նման օբյեկտիվ փաստ ի հայտ չգա, Շրջակա միջավայրի նախարարը որևէ մանդատ չունի միջամտելու այդ գործընթացին, քանի որ տնտեսվարողը այս պահին ունի թույլտվություններ, լիցենզիաներ և ՇՄԱԳ-ի դրական եզրակացությունը, որն իրեն թույլ կտա շահագործել հանքը»:
Մանրամասները՝ տեսանյութում:
