16.02.2026 | 10:21
ՀՀ միջպետական և հանրապետական նշանակության բոլոր ավտոճանապարհները բաց են
Արոնյանը դուրս մնաց արագ շախմատի Magnus Carlsen Invitational մրցաշարի փլեյ-օֆֆից
18.03.2021 | 10:48
Գրոսմայստեր Լևոն Արոնյանը դուրս մնաց Meltwater Champions Chess Tour-ի արագ շախմատի Magnus Carlsen Invitational մրցաշարի փլեյ-օֆֆից:
«Արմենպրես»-ի հաղորդմամբ` առցանց մրցաշարի քառորդ եզրափակչի խաղային երկրորդ օրը Արոնյանը զիջեց աշխարհի գործող չեմպիոն Մագնուս Կարլսենին`1:2:
Նախօրեին էլ արագ շախմատի առաջին երկու պարտիաներում հաղթել էր Կարլսենը, իսկ երրորդ պարտիան ավարտվել էր ոչ-ոքի:
Meltwater Champions Chess Tour-ի արագ շախմատի Magnus Carlsen Invitational պայքարը շարունակում են Մագնուս Կարլսենը, Յան Նեպոմնյաշչին, Ուեսլի Սոն և Անիշ Գիրին:
Մրցաշարի մրցանակային ֆոնդը կազմում է 220 հազար ԱՄՆ դոլար:
Նա դեռևս հանդես է գալիս Հայաստանի դրոշի ներքո:
Օրեր առաջ շախմատիստ Լևոն Արոնյանը հայտարարություն էր տարածել, որում տվել էր վերջին շրջանում իր անձի հետ կապված շրջանառվող հարցերի պատասխանը. Արոնյանը հեռանում է Հայաստանից: Նա կմիանա ԱՄՆ հավաքականին:
