01.04.2026 | 23:05
Էրդողանն Իսրայելին մեղադրել է Իրանի դեմ պատերազմի համար
ԱԺ «Իմ քայլը» խմբակցությունն առաջարկում է ԱԺ արտահերթ նիստ գումարել
Քաղաքականություն
17.03.2021 | 13:38
ՀՀ Ազգային ժողովի «Իմ քայլը» խմբակցության պատգամավորները միջնորդություն են ներկայացրել ԱԺ խորհրդին՝ մարտի 19-ին՝ ժամը 11:00-ին իրենց առաջարկած օրակարգով ԱԺ արտահերթ նիստ գումարել:
Պատգամավորների առաջարկած նիստի օրակարգում են «Հայաստանի Հանրապետության դատական օրենսգիրք» սահմանադրական օրենքում փոփոխություններ և լրացումներ կատարելու մասին», «Հայաստանի Հանրապետության քրեական դատավարության օրենսգրքում լրացումներ կատարելու մասին», «Հայաստանի Հանրապետության քաղաքացիական դատավարության օրենսգրքում փոփոխություններ եւ լրացումներ կատարելու մասին», «ՀՀ Վարչական դատավարության օրենսգրքում փոփոխություններ եւ լրացումներ կատարելու մասին», «ՀՀ պետական տուրքի մասին» օրենքում լրացումներ կատարելու մասին» օրենքների նախագծերի փաթեթը:
«Իմ քայլը»-ն առաջարկում են նախագծերը առաջին ընթերցմամբ քննարկել առանց գլխադասային հանձնաժողովի եզրակացության, ինչպես նաև քննարկել երկրորդ ընթերցմամբ:
Առաջարկվում է նաև ներկայացված նախագծերը քննարկել 24 ժամյա ռեժիմով։
Նշվում է, որ նախագծերի փաթեթի ընդունման հրատապությունը պայմանավորված է դատական համակարգի առջև ծառացած խնդիրները շուտափույթ լուծելու հանգամանքով։
ԱԺ խորհուրդը այս հարցը կքննարկի մարտի 18-ին՝ ժամը 16:00-ին նախատեսված նիստում:
