01.04.2026 | 13:34
Մեկնարկել է 2025 թվականի եկամուտներ տարեկան հայտարարագրման գործընթացը
ԱՄՆ-ում կրակոցներ են հնչել մի քանի սպա-կենտրոնում. սպանվել է 8 մարդ՝ մեծավմասամբ ասիական ծագման կանայք
Քաղաքականություն
17.03.2021 | 12:57
ԱՄՆ Ատլանտա քաղաքում կրակոցների հետևանքով սպանվել է 8 մարդ, որոնց թվում՝ ասիական ծագման 6 կին։ Ոստիկանությունից հայտնել են, որ կրակոցներից ժամեր անց հանցագործը ձերբակալվել է Ջորջիա նահանգի հարավում, գրում է Reuters-ը։
Նշվում է, որ չնայած տեղի իշխանությունները հրաժարվել են ներկայացնել բռնության հնարավոր դրդապատճառները, սակայն Նյու Յորքի ոստիկանության հակաահաբեկչական դեպարտամենտը որպես զգուշավորություն ասիացիներով բնակեցված թաղամասերում հավելյալ պարեկային ծառայություն է սահմանել։
Ջորջիայում արյունահեղությունը սկսվել է տեղի ժամանակով ժամը 17:00-ի սահմաններում, երբ չորս մարդ զոհվել է, իսկ մեկը վիրավորվել Չերոկի շրջանում՝ Ատլանտայից մոտ 40 մղոն հյուսիս գտնվող «Young’s Asian Massage» կենտրոնում տեղի ունեցած կրակոցներից հետո։
Ոստիկանությունից հայտնել են, որ այստեղ հնչած կրակոցների հետևանքով զոհվել են ասիական ծագման երկու կին, մեկ սպիտակմորթ կին ու տղամարդ, ևս մեկ վիրավոր կա։
«Ատլանտայում ոստիկանության աշխատակիցները երեկոյան ժամը 6-ին գողության մասին ահազանգ են ստացել՝ ժամանելով դեպքի վայր հանդիսացող Gold Spa գեղեցկության սրահ, գտել են սպանված երեք կանանց», – լրագրողներին հայտնել է Ատլանտայի ոստիկանության պետ Ռոդնի Բրայանտը:
Տաթև Ֆռանգյան
