30.06.2026 | 18:30
Հայաստանի և Վրաստանի ՆԳ նախարարները քննարկել են երկկողմ համագործակցության ու տարածաշրջանային խաղաղության հարցեր
Sputnik V-ով պատվաստվածների շրջանում մահվան դեպք չի գրանցվել․ ՏԱՍՍ
Քաղաքականություն
16.03.2021 | 17:04
Ռուսական Sputnik V-ով կորոնավիրուսի դեմ պատվաստվելուց հետո մինչ այժմ մահվան դեպք չի արձանագրվել: Այս մասին այսօր հայտարարել է Գամալեի անվան համաճարակաբանական և միկրոկենսաբանական ազգային հետազոտական կենտրոնի ղեկավար, Sputnik V-ի մշակող Ալեսքանդր Գինցբուրգը․ հայտնում է ՏԱՍՍ գործակալությունը։
«Նրանք, ովքեր պատվաստվել են, երաշխավորված են, որ ստիպված չեն լինի հոսպիտալացվել և վիրուսը չի հասնի նրանց թոքեր։ Այսինքն ՝ ծանր դեպքեր, էլ չեմ ասում մահվան մասին, քովիդով վարակված և պատվաստվածների մոտ չեն հայտնաբերվել», – ասել է նա:
Ըստ Գինցբուրգի՝ աշխարհի տարբեր երկրներից անկախ փորձագետներ նշել են Sputnik V-ով պատվաստման լուրջ կողմնակի ազդեցությունների բացակայության մասին:
«Արգենտինայում պատվաստանյութի մեծ հսկողություն է իրականացվել: Այնտեղ Sputnik V-ով պատվաստվել է ավելի քան 300․000 կամավոր: Տեղի Առողջապահության նախարարության զեկույցի համաձայն ՝ պատվաստվածների մոտ կողմնակի ազդեցություններ չեն եղել»,- ասել է Գինցբուրգը։
Նա հավելել է, որ պատվաստումից հետո կարող են առաջանալ միայն այն կողմնակի ազդեցությունները, որոնք նշված են դեղամիջոցի ցուցումներում, այն է՝ ջերմության բարձրացում մինչև 38 աստիճան, գլխացավ, մկանային ցավեր, ներարկման տեղում կարմրություն:
Նշվում է, որ Sputnik V պատվաստանյութի արտադրված դեղաչափի քանակը մինչ օրս գերազանցում է 10 միլիոնը։:
