18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
Իտալիայում դատախազությունն առգրավել է AstraZeneca պատվաստանյութի խմբաքանակը
Քաղաքականություն
15.03.2021 | 20:53
Իտալական Բիելլա քաղաքի դատախազությունն առգրավել է կորոնավիրուսի դեմ AstraZeneca պատվաստանյութի խմբաքանակը՝ 57-ամյա երաժշտության ուսուցչի մահից հետո, գրում է ՌԻԱ Նովոստին:
Երաժշտության ուսուցիչ Սանդրո Տոնիատին մահացել է պատվաստանյութը ստանալուց մի քանի ժամ անց: Դատախազության հայտարարության մեջ նշվում է, որ Պիեմոնտ քաղաքի դատախազները հետաքննություն են սկսել մահվան դեպքի կապակցությամբ և անհապաղ առգրավում են դեղամիջոցի ABV5811 խմբաքանակը:
La Presse-ն էլ հաղորդել է, որ 393․000 դեղաչափ պատվաստանյութը դուրս կբերվի երկրի բաշխման կենտրոններից:
Հիշեցնենք, որ անվտանգության նկատառումներից ելնելով՝ AstraZeneca պատվաստանյութի օգտագործումը դադարեցրել են նաև Գերմանիան, Ֆրանսիան, Դանիան, Նորվեգիան, Իսլանդիան և մի քանի այլ եվրոպական երկրներ:
Ավելի ուշ Առողջապահության համաշխարհային կազմակերպության պաշտոնական ներկայացուցիչ Մարգարեթ Հարիսն ասել է, որ մեկ շաբաթվա ընթացքում կտրամադրվեն ԱՀԿ-ի կողմից կորոնավիրուսի դեմ AstraZeneca պատվաստանյութի անվտանգության վերաբերյալ բոլոր ազդանշանների հետազոտության արդյունքները: Նա պարզաբանել է, որ կազմակերպությունում նման ստուգումներն իրականացվում են համակարգված:
