19.12.2025 | 02:04
Կոնֆերենցիաների լիգա․ Վահան Բիչախչյանը՝ գոլի հեղինակ
Կապանում դիրք հանձնելու հրաման չկա. փոխնախարարը՝ համացանցում աղմուկ հանած տեսանյութի մասին. ՏԵՍԱՆՅՈՒԹ
Քաղաքականություն
15.03.2021 | 13:48
Տարածված տեսանյութի հետ կապված ռազմական ոստիկանությունում նյութեր են նախապատրաստվում, իսկ Կապանի առաջնագծում որևէ լուրջ մտահոգության կարիք կամ առիթ չկա: Այս մասին, այսօր՝ մարտի 15-ին, ԱԺ-ում լրագրողների հետ զրույցում նշեց պաշտպանության փոխնխարար Արման Սարգսյանը:
«Անվտանգային իմաստով որևէ խնդիր չկա: Այս պահին ՊՆ-ն ու ԳՇ-ն ամեն ինչ անում են զինվորների վիճակը, իրենց պայմանները բարելավելու ուղղությամբ: Սրանք ընթացիկ աշխատանքներ են, որոնք իրականացվում են ամենօրյա ռեժիմով»,- նշեց փոխնախարարը:
Հարցին, թե արդյո՞ք Կապանում դիրք թողնելու հրաման եղել է, Սարգսյանը պատասխանեց, որ դիրք թողնելու հրամանի մասին խոսք չկա. «Վստահեցնում եմ, որ որևէ դիրք հանձնելու մասին խոսք չի եղել»:
Դիտարկմանը, որ միշտ պաշտոնապես հերքվում է, սակայն հետո պարզվում է, որ տարածված տեղեկությունները ճիշտ են, անգամ երրորդ փաստաթուղթ կա, փոխնախարարն արձագանքեց, որ ստորագրվրած երրորդ փաստաթուղթը որևէ մեկը չի տեսել. «Երրորդ փաստաթղթի մասին այս պահին որևէ խոսք լինել չի կարող: Եթե լիներ, բնականաբար հանրությունը տեղյակ կլիներ դրա մասին»:
Սարգսյանը չհերքեց, որ բանակում կան խնդիրներ՝ միևնույն ժամանակ նշելով, որ դրանց լուծելու համար իրականացվում են ինտենսիվ քայլեր, իրականացվում են ամենօրյա աշխատանքներ, որպեսզի անվտանգային միջավայրն ավելի ամրապնդված և երաշխավորված լինի:
«Յուրաքանչյուր ոչ, ով կանի հայտարարություններ, որոնք կարող են պարունակել առերևույթ հանցագործության, կամ բանակին վերաբերող հարցեր, այդ առնչությամբ պետք է իրականացվի ուսումնասիրություն և դա պետք է սկսել տվյալ մարդուց: Նման դեպքում դա որակել որպես հետապնդում, մեղմ ասած, ճիշտ չէ»:
