Քաղաքականություն
15.03.2021 | 13:42Զորավարժությունների մասին համապատասխան հայտարարություն եղել է. եթե չեմ սխալվում, դրանք 16-ից են սկսվելու: Այս մասին, այսօր՝ մարտի 15-ին, ԱԺ-ում լրագրողների հետ զրույցում նշեց պաշտպանության փոխնխարար Արման Սարգսյանը՝ հավելելով, որ օրերը հստակ չի հիշում:
Փոխնախարարը նշեց, որ յուրաքանչյուր զորավարժություն ունի իր նպատակը, դա անվտանգության, պաշտպանունակության, իր ունեցած ռեսուրսների ընդհանուր օգտագործման և այլնի հստակեցումն է. «Կարող եմ նշել, որ այս պահին էլ Հայաստանի ՊՆ-ն, ԶՈւ-ն վերահսկում են իրավիճակը, խուճապային տրամադրություններ ստեղծելու, բանակի մարտունակությունը կասկածի տակ դնելու քայլերը ոչ մի կերպ օգուտ չեն բերում բանակի մարտունակության ամրապնդմանը»,- նշեց Սարգսյանը:
Անդրադառնալով հարցին, թե հնարավո՞ր է մոտ ժամանակներում նոր պատերազմ սկսվի, փոխնախարարը պատասխանեց. «Այս պահին որևէ մեկը հստակ չի կարող ասել, որ նոր պատերազմ է լինելու: «Ըստ իս, եթե նման խնդիր լինի, բնականաբար պետությունն ամեն քայլ կձեռնարկի: Բայց, դիտարկելով մեր վերջին 30-ամյա պատմությունը, պետք է ամեն վայրկյան պատրաստ լինել նոր պատերազմի: Իսկ այս պահին նման հարց բարձրացնելու, կամ նման միտք բարձրացնելու անհրաժեշտություն և տագնապ հաղորդելու կարիք չկա»,- նշեց Սարգսյանը:
Մանրամասները՝ տեսանյութում:
