08.11.2024 | 02:01
8-0. «Նոա»-ն չկարողացավ դիմակայել «Չելսի»-ին
«Թալիբան» շարժումը մերժել է ԱՄՆ կողմից առաջարկված խաղաղության ծրագիրը
Քաղաքականություն
15.03.2021 | 14:22
Աֆղանական «Թալիբան» շարժումը մերժել է ԱՄՆ կողմից առաջարկված Աֆղանստանում խաղաղ կարգավորման նոր ծրագիրը։ Այս մասին հայտնում է ՏԱՍՍ-ը՝ հղում կատարելով թալիբների քաղաքական գրասենյակի պաշտոնական ներկայացուցիչ Նաիմ Վարդակին։
Նրա խոսքով՝ ձևավորված ժամանակավոր կառավարությունը՝ բոլոր շահագրգիռ կողմերի մասնակցությամբ, որի վրա պնդում է ամերիկյան կողմը, թույլ չի տա «հաղթահարել Աֆղանական կողմի առջև ծառացած խնդիրները»։
Նշվում է, որ Աֆղանստանը մերժել է ԱՄՆ կառավարության ծրագիրը։ «Անցումային կառավարությունների գաղափարը անիրագործելի է։ Վերջին 40 տարիների ընթացքում Աֆղանստանում իրադարձություններն ու երկրում պայթած պատերազմները ՝ հաստատում են նման կոնստրուկցիայի անկենսունակությունը։ Անցումային կառավարությունները ստեղծվել են ամերիկյան օկուպացիայից հետո, սակայն դրանցից ոչ մեկը չի լուծել երկրի խնդիրները»։
«Թալիբանը» նախկինի նման պնդում է երկրից բոլոր օտարերկրյա զորքերի դուրսբերումը՝ համաձայն մեկ տարի առաջ ԱՄՆ հետ ձեռք բերված համաձայնագրի։
Տաթև Ֆռանգյան
