17.09.2026 | 18:10
ՄԻԵԴ-ի ՀՀ-ի դեմ որոշում է կայացրել // ԿԸՀ նախագահը հայտնել է հունիսի 7-ին կիբեռհարձակման մասին․ ԼՈՒՐԵՐ
Ադրբեջանը սկսեց 10.000 զորքով զորավարժությունը. ՌՈ-ն քննում է Կապանի ՀՀ ԶՈւ հենակետի խնդիրը. Լուրեր
Քաղաքականություն
15.03.2021 | 12:11
Ադրբեջանում այսօր սկսվում են հրադադարի հայտարարությունից հետո ամենամեծ զորավարժությունները, որոնց մասնակցելու է 10 հազար զինծառայող, ներգրավվելու են հարյուրավոր տանկեր, զրահատեխնիկա, հրետանի, ավիացիա։
Հայկական կողմը արդեն իսկ հայտնել է, որ զորավարժությունը անցկացվում է խախտումներով, մասնավորապես Բաքու պատշաճ չի ծանուցել դրանց մասին։
—
Սոցիալական ցանցերում տարածվել է տեսանյութ, որում հայկական զինված ուժերի՝ Կապանի մոտ գտնվող մարտական հենակետում ծառայողները բողոքել են իրենց պայմաններից ու իրենց տրվող հրամաններից, անհրաժեշտ սարքավորման ու վառելիքի բացակայությունից։
Կապանի ռազմական ոստիկանության բաժնում նախապատրաստվում են նյութեր՝ ծառայության պայմանների, կազմակերպման հանգամանքների ստուգման, դրանցում առերևույթ հանցավոր մոտեցման առկայությունը պարզելու համար։ Հայտնել է գլխավոր դատախազի խորհրդական Գոռ Աբրահամյանը։
—
Լոս Անջելեսի քաղաքային խորհուրդը ընդունել է բանաձև, որով ժամանակավորապես դադարեցրել է Լոս Անջելես-Շուշի բարեկամության ծրագիրը մինչև քաղաքի վերաազատագրումը բռնազավթումից։ Բանաձևում ասվում է նաև, որ խաղաղ բնակչությանն ահաբեկելու համար Ադրբեջանը կիրառել է կասետային ռումբեր և միջազգային իրավունքով արգելված այլ զինատեսակներ, այդ թվում՝ սպիտակ ֆոսֆոր։
