17.09.2026 | 14:07
Մի աղջիկ գրել է՝ ուզում է հաջորդ դաշնակցականներից լինել Քրիստինե Վարդանյանից հետո, ապրեք Արման Եղոյան․ ՏԵՍԱՆՅՈՒԹ
Սիրիան հրթիռակոծության է ենթարկել Հալեպում թուրքական դիրքերը
Քաղաքականություն
15.03.2021 | 12:41
Թուրքիայի պաշտպանության նախարարությունը պնդում է, որ Սիրիան հրթիռային հարվածներ է հասցրել Հալեպի հյուսիսային հատվածում տեղակայված Անկարային ենթակա երկու բնակավայրի։ Այս մասին հայտնում է թուրքական Anadolu գործակալությունը։
Ավելի վաղ Սիրիայի իշխանամետ al-Watan թերթը գրել էր, որ երկուշաբթի գիշերը նահանգի այդ հատվածում հրթիռային հարվածների են ենթարկվել նավթային ավտոցիստեռները։
Թուքրիայի ՊՆ-ից նշում են, որ հրթիռներն արձակվել են Կվայրեսի օդանավակայանից ու իբրև թե, դրանք ընկել են Ջարաբլուս ու Էլ-Բաբ քաղաքների վրա։ Գործակալության տվյալներով՝ թուրքական կողմը հայտնել է Ռուսաստանին Սիրիայի կողմից նման հարձակումների անթույլատրելիության մասին։
Հիշեցնենք՝ Թուրքիան Սիրիայում 3 ռազմական օպերացիա է իրականացրել 2016-ից 2019 թթ ընթացքում՝ «Եփրատի վահան», «Ձիթենու ճյուղ» և «Խաղաղության աղբյուր»:
Իդլիբում 2017 թվականին ստեղծել են ապաէսկալացիայի հյուսիսային գոտի, ուր տեղափոխվել են ծայրահեղականները՝ հրաժարվելով զենքը վայր դնել Դամասկոսի Արևելյան Գուտա ու հարավային մարզերում։
Տաթև Ֆռանգյան
