30.06.2026 | 18:30
Հայաստանի և Վրաստանի ՆԳ նախարարները քննարկել են երկկողմ համագործակցության ու տարածաշրջանային խաղաղության հարցեր
Լավ չեմ վերաբերվում, երբ բուհը կարծիք է հայտնում քաղաքական գործընթացների վերաբերյալ. ԿԳՄՍ նախարար. ՏԵՍԱՆՅՈՒԹ
Հասարակություն
12.03.2021 | 18:02
«Լավ չեմ վերաբերվում, երբ բուհը կարծիք է հայտնում քաղաքական գործընթացների վերաբերյալ»,- այս մասին Factor.am-ի հետ զրույցում նշեց ԿԳՄՍ նախարար Վահրամ Դումանյանը՝ անդրադառնալով դիտարկմանը, որ որոշ բուհեր հայտարարություններ են արել՝ պահանջելով վարչապետ Նիկոլ Փաշինյանի և կառավարության հրաժարականը:
«Բուհերի առաքելությունը բարձրագույն կրթություն ապահովելն է: Երկար տարիներ աշխատելով բուհում՝ ես անտարբեր չեմ եղել հասարակության մեջ ընթացող գործընթացներին, ավելին՝ անհատապես՝ իմ անունից որոշակի հայտարարություններ եմ արել, ստորագրել եմ որոշակի փաստաթղթեր: Կարևոր գործընթացների վերաբերյալ անհատապես կարծիք արտահայտելու մեջ խնդիր չեմ տեսնում:
Ինչ վերաբերում է բուհի կարծիք հայտնելուն քաղաքական գործընթացների վերաբերյալ, ես նման մոտեցմանը լավ չեմ վերաբերվում: Բուհերում քաղաքական գործընթացներն արգելված են: Բուհի աշխատակիցները կարող են անհատական կարծիք հայտնել, բայց երբ որ կարծիքը փաթեթավորում են որպես բուհի կարծիք, ես դա չեմ ընդունում»,- նշեց Դումանյանը:
Մանարամասները՝ տեսանյութում:
