13.12.2024 | 23:31
Գերմանիան հավանություն է տվել 2006թ․ ի վեր զենքի ամենամեծ արտահանմանը Թուրքիա
ՀՀ ԶՈւ-ն խոշոր զորավարժություն է սկսում, Հայ դատի հանձնախումբը դիմել է ԱՄՆ նախագահին. Լուրեր
Քաղաքականություն
12.03.2021 | 15:02
Մարտի 16-ից 20-ը ՀՀ զինված ուժերի բոլոր օպերացիոն ուղղություններում անցկացվելու են մարտավարական և մարտավարամասնագիտական համատեղ զորավարժություններ։ Դրանց ընդգրկվում են շուրջ 7500 զինծառայող, շուրջ 200 հրթիռային, ռեակտիվ-հրետանային և հրետանային, ավելի քան 150 հակատանկային միջոցներ, շուրջ 100 զրահատեխնիկա, ավելի քան 90 հակաօդային պաշտպանության միջոցներ, ինչպես նաև օդային հարձակման միջոցներ (ավիացիա):
—
Մինչ այդ խոշոր զորավարժություններ անցկացնելու մասին հայտնել էր նաև Ադրբեջանը։ Սա մեկնաբանելիս Ռուսաստանի ԱԳՆ ներկայացուցիչ Մարիա Զախարովան ասել է, որ Ադրբեջանի նախաձեռնած զորավարժությունները ռիսկեր չեն ստեղծում տարածաշրջանի կայունության և անվտանգության համար։
—
Ամերիկայի Հայ դատի հանձնախումբը դիմել է Միացյալ Նահանգների նախագահ Ջո Բայդենին և պետքարտուղար Էնթոնի Բլինկենին՝ նախազգուշացնելով Հայաստանի դեմ սպասվող «ադրբեջանա-թուրքական ագրեսիայի» մասին:
